Resensie vir Komplimente van ‘n Gypsy

Posted on by
Antwoord

Hier is nog ‘n resensie vir my kortverhaalbundel: Komplimente van ‘n Gypsy. Onthou, vir bestellings kontak asseblief Heleen Malherbe by malherbeheleen@gmail.com, of direk vir my by anzel.mans@gmail.com.

RESENSIE “KOMPLIMENTE VAN ʼn GYPSY”

“Komplimente van ʼn gypsy” is ʼn bundel kortverhale wat uit drie en twintig verhale van uiteenlopende temas bestaan. Vier van hierdie verhale word in die resensie uitgelig, bloot omdat dit nie prakties is om oor al die verhale te skryf nie.

Appel geskil is ʼn verhaal wat knap gestruktureer is. Dit laat spanning tot op die einde opbou. Leserssimpatie is so geskep dat die leser nie anders kan as om jammer vir die stomme hoofkarakter te voel nie. Hy het so ʼn goor dag dat hy sommer met ʼn appel aan die gesels raak. Dialoog vloei natuurlik en die leser vind dit vermaaklik. Veral die appel se dialoog is geesryk.

In Kragteloos wys Anzel haar vaardigheid om voortreflike humor te skryf. Die wyse waarop sy karakterisering hanteer, is in die kol en duidelik bydraend tot die moeilike situasie waarin die karakters hulle bevind. Hierdie is ʼn genotvolle verhaal wat die komiese situasies waarin persone (of paartjies) dikwels beland, smaakvol uitbeeld.

Met ʼn Happie koek stel die skrywer ons voor aan ʼn Noord-Kaapse gemeenskap. Sy gebruik die tipiese spreektaal van die gemeenskap effektief. Dit dra by tot die geloofwaardigheid van die verhaal. Hier lei ʼn ongelukkige voorval, gemeng met ʼn misverstand, tot ʼn ontmoeting tussen twee vreemdelinge wat – so word dit suggereer – mekaar later beter gaan leer ken.

Weereens kry die skrywer dit reg om in Wit olifant ʼn alledaagse situasie uit te beeld en daardeur ʼn belangrike boodskap oor te dra. Die leser word in hierdie verhaal gekonfronteer met sosiale vraagstukke soos geldnood, armoede en hongerly. Nog ʼn keer kry die skrywer dit reg om hieroor te skryf sonder om swaarmoedig te raak of daaroor te teem. Haar unieke taalgebruik en styl spreek werklik tot die leser en tree in gesprek op hierdie manier met die leser se gewete.

Anzel Mans se styl, die wyse waarop haar verhale eindig en die verskeidenheid temas wat sy aanpak, maak dit die moeite werd om hierdie bundel wat deur Veerpen Uitgewers uitgegee word, aan te skaf en te geniet.

Geskryf deur Trudy Erasmus

Gepubliseerde skrywer en Eienaar van Die Skryfbesigheid

img_4828

Komplimente van ‘n Gypsy is nou beskikbaar

Posted on by
Antwoord

My heel eerste gedrukte kortverhaalbundel, uitgegee deur Veerpen, oftewel, Killian en Malherbe Uitgewers, is nou beskikbaar. Hierdie bundel bestaan uit 23 van my beste kortverhale, waarvan party reeds in die Vrouekeur gepubliseer was oor die jare.

Vir bestellings, kontak gerus vir Heleen Malherbe by malherbeheleen@gmail.com, of Anzel by anzel.mans@gmail.com.

img_4828

Hier is wat die kritici van my bundel te sê het:

 

Resensie deur Dineke Volschenk (Verhale Redakteur by Vrouekeur):

Anzel Mans se stories is alles wat ’n mens van lekker lees verwag: dis vol humor, patos en onverwagse eindes. Hierdie is die soort boek wat ’n mens saam neem as jy gaan vakansie hou, en vir vriendinne as geskenk gee.

Resensie deur Liana Bosman, skrywer en vriendin:

Anzel Mans skryf al vir jare, eers onder haar nooiensvan Gerber, en nou onder Mans. Al die verhale, humoristies of meer ernstig, het ’n storie agter die storie. Die meer ernstige verhale laat jou soms selfs ’n traan of twee pik. Die humoristiese verhale sny die humor baie fyn en is gelaai met pittigheid en karakters wat jou aan jouself laat dink. Hierdie bundel verhale beloof die om elke leser te boei tot aan die verrrassende einde en gaan jou dae later nog daaraan laat dink.  Anzel Mans is een van die min skrywers wat weet hoe om emosie te wek wanneer sy met woorde toor.

img_4622

Sal baie lekker wees om van julle te hoor! Deel gerus met my wat julle van my stories en die bundel dink.

 

Baie liefde,

Anzel

I’ve never been this homesick…

Posted on by
Antwoord

Vandag, ses maande gelede, was die hartseerste dag van my hele lewe…

Maar voor ek daar kom, moet ek julle eers vertel van die blyste dag in my lewe. In April 2016 het ons na amper twee jaar se wag, die goeie nuus gekry dat ons ‘n babatjie verwag. Ek was uit my vel uit van opgewondenheid – Dit was ‘n antwoord op jare se gebed, my grootste hartsbegeerte het waar geword. Ek onthou nog hoe het ek daardie dag in Edgars rond geloop en met die Here gepraat en gesë: Here, U is nie onregverdig of wreed nie. U sal nie vir my iets gee wat ek so bitter graag wil hê, en dit dan later van my af wegneem nie. Ek het geglo ons gaan in Desember ons eersteling verwelkom; het opgewonde babagoedjies begin aankoop, begin droom oor haar lewe saam met ons… Hier is die foto van hoe ons die opgewonde met familie en vriende gedeel het.

cwha3413

Skaars vier weke hierna, toe ek so ampertjies 8 weke swanger was, het die ergste nagmerrie ooit gebeur. Ons het die Donderdag ingegaan vir ‘n scan, maar daar was geen hartkloppie nie – Ek was positief en gedink ons is dalk net ‘n bietjie te vroeg; dat ek my datums verkeerd het. Die volgende oggend, toe die bloeding begin, het ek egter geweet, dit is verby. Ons het weer gegaan vir ‘n scan, en toe is ons babatjie alreeds weg. As ek nie die vorige dag daardie klein blip op die skerm van die dokter se masjien gesien het nie, het ek sweerlik gedink die hele swangerskap was in my kop.  Hier is die fototjie van die scan – En soos julle kan sien met al die bewoording en krulletjies, was ek vreeeeslik opgewonde!

file-2016-05-12-6-49-26-nm

Verlies is nooit lekker nie, en om ‘n kind te verloor, is een van die seerste goed wat ooit in die lewe met jou kan gebeur. Ja, ons babatjie was nog nie gebore nie, maar sy het geleef. En ons moes haar groet na slegs agt weke van swangerskap. En al weet ek vandag sy sit by Jesus se voete en wag vir haar mamma en pappa, is die gemis groot; die seerplek nog baie rou. Baie mense sê dit was die Here se wil. Ek stem glad nie hiermee saam nie – Die Here wat ek dien, is ‘n God van lewe en lewe in oorvloed. Net die vyand het gekom om te steel, te slag en te verwoes.

Ek weet nie hoekom dit met ons moes gebeur nie; ek weet nie wat die Here se plan hiermee was/is nie, maar ek weet een ding: Hy bly getrou. Hy is nie onregverdig nie. Sy genade vir ons is genoeg.Sy planne en drome vir ons twee, is soveel groter as die planne en drome wat ons vir onsself het. Ses maande later sit ek steeds met die hoekoms en waaroms. Ek weet Hy is ‘n almagtige God wat enige iets kan doen. Hy kan wonderwerke doen. Hy het dooies laat opstaan, blindes laat sien, kreupeles laat loop. Hy het op die water geloop; Hy het selfs die dood oorwin. Hy het vir Hanna en Sarah ‘n kind gegee. En omdat ek al hierdie dinge weet, verstaan ek soms nie hoekom Hy dit nie doen nie. Maar ons hou vas, ons bly aanhou hoop en ons hou ons oë op Hom – Eendag, wanneer die Here ons kom haal, gaan ons die kleine mensie vir die eerste keer sien.

En dan onthou ek skielik daardie liedjie wat ek en my ma altyd gesing het:

I’ve never been this homesick before…

2016 – Die jaar van vreugde en feesvieringe

Posted on by
Antwoord

Goeie genade, maar ek het lanklaas op hierdie blog geskryf! Sit mos nou en dink aan nog ‘n post oor al die nuus wat ek het om te deel, so hier gaan dit!

So baie dinge het in 2015 met ons gebeur – Dit was ‘n rowwe jaar van “Ups” en “Downs”, ‘n Jaar waarin ek so baie bereik het, soveel hoogtes ervaar het. Ek is nogsteeds werksaam by die College waar ek die ongelooflike voorreg het om met jongmense te werk en hulle te leer oor Menslike Hulpbronne bestuur in Suid Afrika; waar ek hulle denkwyses en gesindhede vorm en aanwys. Dit is so ‘n ongelooflike ervaring en voorreg om met hierdie groep studente te werk.

Hier is ‘n kiekie van my N6 klas wat in November 2015 klaar gemaak het by die College:

12108836_1148567788533954_5812163000730672034_n

Dan natuurlik het ek nog ‘n paar kortverhale in die Vrouekeur gepubliseer, waaroor ek bitterlik opgewonde is:

This slideshow requires JavaScript.

Ons het baie kiekies geneem en saam met familie gekuier:

This slideshow requires JavaScript.

Ek het ook die ongeloolike voorreg gekry om handboeke te skryf vir Oxford University Press Suid Afrika en Seyfferdt Publishers. Die skryf van die handboeke het my nogal heelwat besig gehou. Ek het ses handboeke om te skryf, waarvan drie al klaar is, en nommer vier amper voltooi is. Hulle almal verskyn deur die loop van hierdie jaar op die mark en ek sal al die handboeke hier aan julle bekendstel.

Verder het ek ook my studies voltooi – Ek het my Post Graduate Diploma in Education met onderskeiding geslaag en is regtig baie trots daaroor. En het ek 22kg in gewig verloor. Dit was daarom definitief ‘n groot suksesvolle jaar vir my en vir ons gesin.

In 2016 kyk ons uit na die publikasie van my handboeke wat ek vir die College sektor geskryf het en nogsteeds skryf, asook sukses in die slaagsyfers vir al die studente in my klasse. Ons kyk ook daarna om hierdie jaar ‘n kortverhaalbundel saam te stel van al my verhale wat oor die laaste vyf jaar geskryf en gepubliseer was in tydskrifte. Ek sal julle egter meer hieroor sê sodra ek self ook meer inligting daaroor het. En natuurlik hoop ons ook om hierdie jaar ons gesin te begin en ‘n klein Mansie aan julle voor te stel. Dink dit is tyd…

2016 is Ons jaar. Die Jaar van vreugde en feesvieringe!

Liefde groete,

Anzel

IMG_0097-1

Nuwe avenues in my lewe!

Posted on by
Antwoord

Hallo almal

Ek is deesdae in ‘n baie goeie plek in my lewe. Ek is baie gelukkig getroud met ‘n wonderlike man, ek het ‘n fantastiese werk by die College waar ek die voorreg het om met jongmense te werk en hulle te leer van die vakgebied: Menslike Hulpbronne, en boonop het ek en manlief huis gekoop. Ons skryfskool floreer en doen baie goed en ek het selfs nou onlangs begin skryf as Vryskut Joernalis by Kathu Gazette. Loer gerus by die link hieronder vir meer inligting re ons skryfskool en die onlangse publisiteit wat ons ontvang het. Een van my nuutste kortverhale is ook oppad en sal in die 13de Junie 2014 uitgawe van die Vrouekeur verskyn.

Ek is regtig baie gebless – Die Here is goed vir ons. Ons is gesond, ons het ‘n dak oor ons kop, ons families is wonderlike mense met ‘n hart vir ons en vir die Here, ons het amazing vriende en hartsmaatjies en daar is ‘n ekstratjie in ons beursie. Meer as dit het ons nie nodig nie. Die Here is regtig amazing, en Sy goedheid ken geen einde nie. Ons is bevoorreg om elke dag God se nuwe genade in ons lewe te ervaar. As getroude vrou het my perspektief oor die lewe baie verander. Ek moes sacrifice en dinge in my eie lewe verander, maar saam met die Here en my man, sal ons nie net nader aan mekaar groei nie, maar ook nader aan God. Ek is regtig baie gelukkig.

Ek heg vir julle ‘n paar fototjies aan van my onlangste skryfwerk by die Kathu Gazette aan, asook ‘n paar fotos van my en my manlief/familie van die laaste ruk! Geniet dit!

Baie liefde,

Anzel

This slideshow requires JavaScript.

Baie trots op ons Skryfskool!

Posted on by
Antwoord

Kyk net hoe brag ek nou! 🙂

Ons eerste skryfskool van 2014 was ‘n reuse sukses! Ons was ook bevoorreg om ‘n artikel in die Kathu Gazette te kry wat die week van die 8ste Maart 2014 verskyn het. Loer ook by die volgende skakel na die elektroniese weergawe van ons skryfskool artikel!

http://www.kathugazette.co.za/articles/2014/03/13/skryfskool-gee-storiedrome-vlerke

Inskrywings vir ons Julie Skryfskool is ook nou oop, so wikkel jou boude en laat jou voete raas en kry jou inskrywing in! 🙂

Groete!Berig in Kathu Gazette

My eie feëverhaal…

Posted on by
Antwoord

Halloo julle

Wat ‘n opwindende jaar sover! Sjoe! Die laaste keer toe julle van my gehoor het, was in April. En toe was my lewe nog rustig en normaal. Intussen, het ek getrek, nuwe werk gekry, my honneurs klaar gemaak, ‘n skryfskool begin en getrou en honeymoon gehou! Nou is ek ‘n getroude vrou! En nou is ek met my droomman getroud! Wow!

Aan die begin van 2013 was ek oortuig daarvan dat hierdie jaar MY jaar gaan wees. En kyk nou net! Ons trek al halfpad deur Oktober, en so baie het al in my lewe verander. Ek kry ook ‘n baba hondjie… nee, hond. ‘n Boerbul kan mens nie as ‘n hondjie beskryf nie! LOL! My lewe is ‘n lied. Ek is skuldvry, smoorverlief en gekoester in my huwelik en geniet elke oomblik daarvan. Oor die volgende paar maande gaan daar nog baie eerstes wees vir my. My eerste Kersfees weg van my mense af en saam met my man en sy mense. My eerste Kersfees en nuwe jaar as getroude vrou. Ons eerste skryfskool saam in Januarie 2014. En sommer baaaaie date nights! Gepraat van date nights – ek gaan oor die volgende paar maandjies ook gereeld ons date nights bespreek en hoekom dit so belangrik is in vandag se lewe om tyd saam met mekaar te spandeer. Tyd kan mens nie koop nie. So dit is belangrik dat jy tyd maak.

Elk geval, voor ek nou te veel gesels, ek wou eintlik net hallo sê en ‘n vinnige update oor wat tans in my lewe gebeur. Ek glo dat ek deesdae meer aktief hier sal wees, so loer gerus gou weer hier in!

Ek heg ook vir julle ‘n paar fototjies aan van ons pragtige troudag! Geniet dit!

Baie liefde,

Anzel Mans

Nuwe epos: anzel.mans@gmail.com

This slideshow requires JavaScript.

Nog ‘n kortverhaal in hierdie week se Vrouekeur!

Posted on by
2

Hallo almal! Ek weet ek was bietjie stil die laaste ruk, maar daar is soveel opwindende dingetjies wat deesdae met my gebeur, dat ek nie altyd so mooi weet of ek kom of gaan nie! Maar meer hiervan in ‘n aparte entry ‘n rukkie later hierdie week.

Ek is baie opgewonde oor my nuutste storie in hierdie week se Vrouekeur – ‘n Tatoe op jou hart. Dit is nou onlangs geskryf en dit is iets heeltemal anders – iets wat ek nog nie tevore geskryf het nie. So ek hoop julle geniet dit saam met my.

100_2184

Ek sien nou ook ek het vergeet om julle te vertel van my kortverhaal wat in Maart in die Vrouekeur verskyn het. Omkeerbaar is ‘n humorverhaal oor ‘n “drag queen”  – Die idee te danke aan iemand wat so gaaf was om dit met my te deel. Baie oulike idee en baie oulike storietjie! Vir die van julle wat dit in die hande kon kry, ek hoop julle het dit geniet!

Estcourt-20130306-01257

Mooi bly julle! Tot later die week!

Anzel

Wat God vir jou belowe…

Posted on by
Antwoord

Kan julle glo ons is alweer aan die einde van nog ‘n jaar! Sjoe! Dit het omtrent gevlieg. Oor bietjie meer as 12 ure is dit die begin van ‘n splinternuwe jaar – 2013. En ek kyk uit met verwagting na dit wat die Here hierdie jaar vir en deur my gaan doen.

As ek terug kyk op 2012 besef ek weereens hoe goed die Here vir my was – Hoe Hy my telkens deur moeilike tye gelei het, sommige kere selfs gedra het. Daar was goeie tye en slegte tye, bly oomblikke en hartseer oomblikke… En glo dit of nie, ek is nou selfs sterker as wat ek was aan die begin van 2012. Dit was een van die moeilikste, strafste, langste en selfs ook die greatste jare van my lewe. Ek het drie keer getrek saam die werk, het twee keer van posisie verander, het nuwe mense ontmoet, ou kennisse verloor en selfs ‘n nuwe liefde ontdek. Ek het begin skilder en skets, ek het met my Annique besigheid begin, ek het as mens gegroei, geleer, gevlieg en geval. En snaaks genoeg kyk ek terug op die jaar met ‘n groot glimlag op my gesig. Want dit wat die Here vir my belowe het, het Hy volbring…

Heb 10: 35 – 37 was my belofte vir die jaar 2012:

“Do not lose your courage, then, because it brings with it a great reward. You need to be patient, in order to do the will of God and receive what he promises. For, as the scripture says, ‘Just a little while longer, and he who is coming will come; he will not delay.'”

Is dit nie absoluut amazing nie? Die Here is vir my so goed! Ek is regtig so geseënd om te weet dat dit wat die Here vir my belowe, Hy sal volbring. Ek moet nie moed verloor nie, want die groot reward wag! En kyk nou net vandag! Ek het die man van my drome ontmoet – Die een wat die Here vir my met Sy eie hand uitgekies het, my ander helfde. Die een waaroor ek by die Here gemoan het, omdat Hy so lank gevat het om hom vir my te gee. Nou eers besef ek wat die skriffie vir my probeer sê… Hou moed. Wees geduldig. Die groot reward gaan kom, Hy sal doen wat Hy aan my belowe het. En vandag is ek een van die gelukkigste girls onder die son. Soms weet ‘n mens net. En vandag weet ek wat ek weet.

Vir 2013 het ek ‘n nuwe skrifgedeelte wat van toepassing is om my en my lief, my familie en syne en ek wil dit graag hier vandag met julle deel. Ek hoop regtig dat julle dit ook julle eie sal maak vir die jaar wat kom, en dat julle sal kan terug kyk en sê,”Waarlik, die Here was vir my goed!”

Deut 28:1-13 (AMP) is vir ons in 2013:

If you will listen diligently to the voice of the Lord your God, being watchful to do all His commandments which I command you this day, the Lord your God will set you high above all the nations of the earth. And all these blessings shall come upon you and overtake you if you heed the voice of the Lord your God.

  • Blessed shall you be in the city and blessed shall you be in the field.
  • Blessed shall be the fruit of your body and the fruit of your ground and the fruit of your beasts, the increase of your cattle and the young of your flock.
  • Blessed shall be your basket and your kneading trough.
  • Blessed shall you be when you come in and blessed shall you be when you go out.
  • The Lord shall cause your enemies who rise up against you to be defeated before your face; they shall come out against you one way and flee before you seven ways.
  • The Lord shall command the blessing upon you in your storehouse and in all that you undertake. And He will bless you in the land which the Lord your God gives you.
  • The Lord will establish you as a people holy to Himself, as He has sworn to you, if you keep the commandments of the Lord your God and walk in His ways.
  • And all people of the earth shall see that you are called by the name [and in the presence of] the Lord, and they shall be afraid of you.
  • And the Lord shall make you have a surplus of prosperity, through the fruit of your body, of your livestock, and of your ground, in the land which the Lord swore to your fathers to give you.
  • The Lord shall open to you His good treasury, the heavens, to give the rain of your land in its season and to bless all the work of your hands; and you shall lend to many nations, but you shall not borrow.
  • And the Lord shall make you the head, and not the tail; and you shall be above only, and you shall not be beneath, if you heed the commandments of the Lord your God which I command you this day and are watchful to do them.

Dit is dus God se belofte vir ons en vir julle in 2013. En wat God vir jou belowe, sal in jou lewe gebeur. Sy blessings gaan jou inhaal en oorval. Jy sal oorvloed ondervind – in jou huis, in jou werk, in jou familie, in jou finansies, in jou gesondheid, in jou verhoudinge, in jou  hele lewe. Oorvloed! Alles wat jy doen sal sukseslvol wees. Jy sal die kop wees en nie die stert nie. Jy is geseënd en bemind en geliefd.

Ek kyk uit met verwagting na 2013. Wat is verwagting? Weet jy? Dis om te wag vir iets – Vir iets groot wat in die nuwe jaar met ons gaan gebeur. En ek glo met my hele hart 2013 is my jaar. Mag julle ‘n geseënde Nuwe Jaar beleef en mag die Here elke dag saam met julle wees en julle seën met Sy liefde en Sy nabyheid.

Al my liefde,

Anzel

IMG_2713b