Ang Blog ni BatangLate

Sige kunyari english ang pamagat para mukang sosyal. haha. Sa paglalagi ko ng higit na rin isang taon sa mundo ng blogosperyo masasabi kong may ilan na kong hinangaan, at nagiging inspirasyon ko na sila ngayon para sa pag-abot ng minimithi kong buhay. At isa na dun si Lio Loco.

Isang CPA sa edad na di ko alam. Isang kapatid, anak, kaibigan, mabuting mamamayan at kasintahan. Bakit nga ba nauto ako ng blog nya na basahin at abangan ang bawat entry nito.

Una, di ko na gagandahan ang mga sasabhin ko dito kase di ko naman sigurado na mananalo ako sa kontest nya dahil sa laman ng mga salitang ilalagay sa post na to. Nadala na ko sa dating pakontest nya. Di ako nanalo. Nag expect na ako ng libro dati. Ayoko nang maulit yun ate Charo, napakasakit po.

Joke lang.

Ayoko nang isa isahin ang dahilan kung bakit nga ba. Mahilig ako sa mga bagay na nakakapagpasaya sakin, mahilig ako magbasa ng mga bagay na nakaka-inspire at nakakapag bigay sakin ng tuwa at kaligayahan (hindi po pokpok si Lio). Marami akong nakukuhang kaalaman sa blog nya, mga bagay na minsan di ko inaasahan na malalaman ko pala pag nagtyaga akong basahin yung napakahaaaabang mga post nya lalo na yung purong ingles, syet lang. Minsan pag ingles yung post, yung PS na lang ang binabasa ko, at dun na ko kukuha ng idea para makapag comment, para masabi nya na tagahanga nga ako. haha. Gusto ko yung walang pakundangan nya na pagbuhos ng tunay na nararamdaman, walang halong kaplastikan at walang halong bolahan. Gusto ko yung minsan eh nakakapagbigay sya ng kasiyahan, inspirasyon at kilig dahil sa pakikipaglandian nya kay Dude. Gusto ko si Lio kase magaling syang magsulat, hinahangaan ko sya tulad ng paghanga ko kung pano makipaglipstolips si johnlloyd sa bawat babaeng kakissing scene nya.  At naniniwala ako na balang araw ay makakapagsulat sya ng sarili nyang libro. Sana yung tagalog.

Ito ay para sa pakonteshit ng nag iisang may ari ng STILLSSDDdatCOM sa mundo ng internet.

P.S Makikibati na rin po. MALIGAYANG PASKO SA INYONG LAHAT! 🙂

What is SEMBREAK?

S– leepful nights

E– xam free days

M– orning smiles

B– atugan mode

R– estful afternoons

E– ndless gala

A– nd last but not the least

K– ahirapan mode. Walang allowance beybeh.

Di ko masyado  naeenjoy ang sembreak ngayon. Amboring. Walang makasama gumala at yes walang pera. Nyahah. Mas gusto ko nang pumasok ulit. lols. Di ako makasama sa jamming ng iba kong klasmate kase di naman ako umiinom. Ang tanging gawain ko lang ngayon ay, matulog, kumain, mag internet. tadah! Sana tumaba na ko ng bunggang bungga.

Malapit na ang Pasko. Mga co-bloggers regalo ko? :]

Kung meron man isang taong gustong gusto ko makapiling ngayon ay yung bunso kong kapatid, mag dadalawang taong gulang na sya sa darating na Oktubre. Iisang beses ko pa lamang syang nakita, pag uwi ko noon sa bahay buwan ng enero taong ito. Ni hindi ko na ma imagine kung ano na ang itsura nya ngayon, yung tangkad nya, yung kulay ng kutis, yung haba ng buhok, yung pag-iyak at paghalakhak. Nakakamiss. Basta ang alam ko lang marunong na sya magsalita, nakakapag gala na kasama yung mga pinsan nyang gala din. lumilibot sa kabahayan ng mga tito at tita nila. imagine, magdadalawang taon pa lamang sya nyan.

Hilig ko ang mga bata, naalala ko ng nasa grade six ako nagpupuyat ako para alagaan yung pinsan kong iyakin habang yung nanay nyang guro ay nagbibigay ng serbisyo para sa pagbibilang ng boto, nung panahon ng eleksyon. Ako lamang kase ang gusto nyang nagbubuhat sakanya, ako yung gusto nyang katabi pagtulog, ayaw nya sa lola namin, mas lalong ayaw sa tatay nya. Pangarap ko noon na magkaron ulit ng maliit na kapatid, yung ako ang mag aalaga, ako yung kakampi pag pinapaiyak, yung ako yung umiintindi sa kabila ng mga bulol nyang salita. Nakakalungkot lang kasi hindi natupad. Lumaki si bunso na malayo ako sa bahay, umalis ako na buntis si ina. Bumalik ako sa bahay ng limang araw lang ang nilagi ng mahigit isang taong gulang na sya. Sakit lang isipin, na yung bagay  na gustong gusto ko ay di ko nakuha, di ko nagawa, di nya ko kinikilalang ate ngayon. Ni ayaw nyang magpahawak sakin, nahihiya sya pag nagsasalita ako. Nagtatago sa likod ni ina pag paparating ako. hindi sumasagot pag kinakausap ko. Gusto kong maiyak, kasi andun na sana yung pagkakataon, may bunso na kong kapatid, na handang magpa alaga, na naghahanap ng ate. Pero nasan ako? WALA.

Minsan tumawag ako sa bahay, kausap ko si Ina. May maliit na tinig akong narinig. Alam ko sya yun. Kinausap ko sya, tinatanong kung kilala nya ba ako, di sya nagsalita. Si mama ang tanging naririnig ko “si ate mo yan sige salita ka” pero di nya ginawa. Pagkatapos ng tawag na yun gusto kong maiyak. Di ako kilala ng sarili kong kapatid.

Pero alam ko sa paglipas ng panahon, sakanyang paglaki, makikilala nya rin ako. Ibibigay ko sakanya ang mga bagay na di ko nakamit ng bata ako. Magiging mabuting halimbawa ako sakanya, di ko sya hahayaan na di makapagtapos ng kolehiyo at matupad ang magiging mga pangarap nya. Andito ako. Si ATE na handing gawin lahat para sa ikasisiya at ikabubuti nya.

SBA 2010

Bilang pakikilahok sa pakontest ni Ginoong Bernard Umali,narito ang aking tatlong tula na may temang pangkalikasan. Sana ay maibigan po ninyo mga mahal kong kablogista. wahaha. Kbye.

–KALIKASAN: PANGHABAMBUHAY NA KAIBIGAN—

INANG KALIKASAN

I

Indayog mo o hangin nakakahalina

O tubig na kay linaw kay sarap sa mata

Berdeng mga dahon at punong sagana

Kaysarap damhin minamahal naming ina.

II

Mga ibong malaya sa iyo namugad

Kakaibang mga hayop sa iyo napadpad.

Pagkalinga mo sa kanila walang katulad,

O aming ina kami ay lubos na mapalad.

III

Mga naglalakihang puno kay tatayog kung tingnan,

Mineral na sumalo sa mga pangangailangan

Hatid mong ganda nakakahikayat ng dayuhan

O inang kalikasan pinagmamalaki ka ng bayan.

IV

Minsan ay may mga mapanira talaga

Ibang mga tao ikay inalipusta.

Subalit ikaw ay talagang maharlika

Di pa rin sumuko, namumukod tangi ka.

___________________________________________________________________

TAHANANG MALAYA

I

Malaya ka na sa aking paningin

Sumasabay ka sa pag ihip ng hangin

Taglay mo ay gayak sa iyong paglipad

Sa iyong paglaya mula sa aking mga palad.

II

Inakala ko noon, magiging maligaya

Sa bagong tirahan na aking dala,

Aking akala ay mali pala

Ikaw ay malungkot at biglang nag iba.

III

Di na magiliw, masigla’t masaya

Pag huni mo tila ay nangungulila

Malayo palagi ang iyong mga tingin

Hiling mo siguro dasal ay dinggin.

IV

At ngayon nga na kita’y aking nadama

Malungkot ka sa piling ko at di sumaya

Labag man sa loob ko na palayain ka

Sa iyong tahanan ibabalik kita.

V

Doon kung saan ikaw ay maligaya

Lumilipad paron at parito ng walang sawa.

Totoo mong tahanan, masaya, malaya at ikay ihuhubog

Mga bagay na tao ay di kayang ihandog.

___________________________________________________________________

TAYOG

I

Hangad ko na ika’y maging matatag na puno

Maging kasintayog ng ulap at kalawakan.

Hindi marupok at di kayang gibain

ng bawat pagsubok na haharapin.

II

Kasama kita sabay ng aking paglaki

Mga pangarap ko dinig mo pag kita’y katabi

Hilig ko sumilong sa iyong limlim

Ang hanging umiihip kay sarap damhin.

III

Kasabay kita sa aking mga hangad

Paglaki mo ay gayon din ang aking pangarap

Pagiging matatag mo naging inspirasyon

Sa lahat ng pagsubok na sakin humamon.

IV

Ngayon nga na kay taas mo na

Di na kita abot hanggang tingin nalang kita

Sana kahit anong tayog mo kaya pa kitang abutin

Kahit  SARANGGOLA na lamang ang aking gamitin.