ganja asinta

Unang linggo pa lang ng Hunyo, tatlong burol na ang napuntahan ko.  Rekord talaga ‘to.

Isang text message, dalawang deds ang laman. Sumuko ako isang gabing dapat dalawang lamay ang pupuntahan ko. Nakakapagod malungkot. One lamay at a time lang ang kaya ko.

Tatay ni B, nanay ni D, kapatid ni V–   mga magulang at kapatid ng mga kaibigan. Si tatay at nanay matagal ng maysakit, mainam na ring nakapagpahinga sila.  Mabigat kay V ang pagkawala ni ate.  Biglaan at hindi siya handa. Sa totoo lang, dito rin ako tinamaan ng sobrang lungkot.

Patay na rin si Ma’am Elizabeth, Mamita ni Dave.  Kagabi lang patay na rin si Lolo Miguel. Ayaw niyang magpagamot kay Santino.  Si Tito Dougs iniwan na rin ang mga alaga niya.

Mga kamag-anak, showbiz man o karakter sa teleserye ang mamatay, life must go on. Ganyan talaga ang buhay.

Pero iba ang pagkawala ni Ka Fermin. Isang lider magsasaka sa Negros Oriental. Pinatay siya dahil laban siya sa gobyerno. Binaril siya dahil ipinaglalaban niya ang lupa para sa mga magsasaka. Hindi lang lungkot ang katapat ng pagkamatay ni Ka Fermin.  Galit at sigaw para sa katarungan.

Hindi pa tapos ang Hunyo, nangangalahati pa lang. Huwag na sanang madagdagan pa ang listahan sa obitwaryo.

sakto dahil nabuo ko ang kwento sa araw na nag-blog ako ulit. malabo pa rin? isang blog entry ko kasi ang nag-aangas na hindi ko natapos ang pelikulang Across the Universe dahil sa piratang dvd na nabili ko sa quiapo. timing naman at ipinalabas sa HBO kaya natapos ko rin.  happy ending, nagkita si jude at lucy, all you need is love ang last song.

sa mga darating na araw, sikapin kong sakto lang ang mga maisusulat ko rito. sakto sa mga kaganapan, timing sa mga bagay bagay na pinag-uusapan.

gudlak ganja!

paalam old header!

Isang taon ang nagdaan, ngayon lang ulit napadaan.   Sa totoo lang, makailang ulit na rin akong napadaan dito. Patingin-tingin, di naman makasulat.

Saan nga ba ko magsisimula ? Ano ang isusulat ko?  Nagsusulat pa ba yung mga nasa blog roll ko? Ang daming tanong! Puro kwento. Hala, blog na!

Dalawang buwan ring hindi nakapagsulat dito. Kumusta na? Ayos pa ba?

I AM RADIO GAGA

Nakikinig na ako ng radyo sa umaga. Matagal na naming balak bumili ng radyo. Napadpad na nga kami sa Raon at kung saan-saang mall sa lupalop ng Maynila para humanap nito. Sa totoo lang, nahirapan kaming matagpuan ang perfect radio — shempre dapat may AM, maliit at mura. Sa wakas! Pag-uwi ko isang gabi, nadatnan ko na lang si Gregorio KAIDE sa bahay at mula nito nagsimula nang dumami ang kachekahan ko tuwing umaga.

    Magkikita ba si Jude at Lucy?  Magkakabalikan ba sila?  Ano ang last Beatles song na patutugtugin sa pelikula? 

Hindi ko masasagot ang mga tanong na yan.   Walang ending ang Across the Universe.  Hindi ito sinadya ng direktor ng pelikula o kung ano pa man.  Wala itong ending dahil walang kwenta ang nabili kong “DVD copy.” 

Putol ang kopyang nabili ko.  Pinacheck ko naman yun sa tindera.  Atat lang talaga ako mapanood ito kaya binili ko kahit alam kong medyo mataas ang presyo sa akin ng tindera.  Nakakapanghinayang lang talagang panoorin ito sa sine.  Isipin mo kulang-kulang P300 ang susunugin namin para lang mag-sine. 

Makikipagsapalaran na lang ako sa DVDlandia.  Yun nga lang, natiyempuhan ako ng nakakaasar na kopya – walang ending!

Nasapawan tuloy ng kawalan ng ending o pagkabitin ko ang pag-appreciate ko sa buong pelikula.  Subukan kong papalitan ng ibang kopya – na may ending, siyempre, at maghahanap na rin ako ng kopya ng soundtrack nito.  

Bingi talaga si Gloria Arroyo.

Sabi ni Gloria Arroyo, sumisigaw daw ng “I Love You” ang mga taong sumalubong sa kanya.

Ang totoo, ” Ayaw na namin sa’yo! ” at  ” Hoy! Baba na you! ”  ang sinisigaw ng mga taong sumalubong sa kanya.

Nakabibingi naman ang dumadagundong na sigaw ng 80,000 na mga nagrali sa Ayala :  GLORIA, RESIGN!  

Kaya huwag ka na magbingi-bingihan Gloria sa sigaw ng taumbayan.

———————-

Pagbaba mo, PAGBABAGO!

Linya ito sa isang speech kanina sa Ayala. Hindi ko matandaan kung sino ang nagsabi nito.  Pero pumatok siya sa pandinig ko kanina.

Kailangang matuto tayo sa mga nagdaang people power.  Ang pagbabagong gusto natin ngayon ay hindi na lang pagbabago ng presidente.  Gusto natin ng makabuluhang pagbabago, mga kongkretong repormang mararanasan ng mga mamamayan.

Pero ang mahalaga sa ngayon ay asikasuhin muna ng taumbayan ang pagpapababa/pagpapatalsik kay Gloria.  At mula rito, isulong natin ang makabuluhang pagbabago.

galing sa Inquirer.net ang larawan sa itaas
 

“Ako ang pangulo, wala nang iba.” — Gloria Arroyo.

“ Ikaw ang pangulo na dapat nang bumaba.” – Taumbayan

“Hindi patatawarin ng mundo ang Pilipinas kapag nagkaroon pa ng EDSA 3.” – Malakanyang

“Hindi namin mapapatawad ang aming sarili kapag hindi naganap ang isa pang EDSA para mawala na si Gloria sa Malakanyang.” – Taumbayan

Wala si KC sa rali.  Hindi mga artista ang sikat dun sa Ayala.  Ang winner sa matagumpay na rali ay ang libu-libong taong kumilos para sa katotohanan at panawagang umalis na si GMA sa Malacanang. Sabi ng mga raliyista bago mag-uwian, maghanda pa sa mas malalaking rali sa darating na mga araw.

E bakit naman kasi napasok si KC sa usapan? Ipinalabas na kasi ang Maalaala Mo Kaya episode niya.  Bago mapanood ang Bandila para makita ang balita tungkol sa rali, pinanood muna namin ang unang pagdadrama ni KC sa telebisyon.

Hindi namin kami napasigaw ng “Sobra na, Tama na, Palitan na ang channel!”. Bagama’t may ilang beses din kaming sumilip sa katapat na programang Bubble Gang.  Kahit kasi sa mga commercial si KC pa rin ang nakikita namin!  

Mabilis tumulo ang luha sa mga mata ni KC pero hindi nagsasalita ang mga ito.  Hindi malalim ang mga emosyong ipinakita ng panganay ni Ate Shawie. May mga ilang beses ding hysterical siya kasabay pa ang pagsasalita niyang parang may tono.  Nagdadrama na siya pero naririnig mo yung narration niya sa mga adventures niya sa Paris sa kanyang TV special. 

Pero di hamak namang mas may dating ang pag-arte niya kaysa sa nanay niya doon sa mga unang pelikula nitong Dear Heart o P.S. I Love You.  At lalong di hamak na mas maganda ang mukha niya kaysa kay Ate Shawie. 

Malamang mataas ang rating ng episode na ito ng Maalala mo Kaya.  Marami kasi ang nag-aabang na mapanood ang pag-arte ni KC sa telebisyon.  Much-awaited ika nga.  Huhusgahan kasi ng mga manonood kung may ibubuga ba ang dalaga ni Ate Shawie sa larangan ng pag-arte. At para sa akin, may potential si KC at dapat abangan ang susunod na mga mangyayari sa kanyang career.

Ganun din ang rali sa Ayala kanina.  Unang ratsada pa lang ito.  Marami pang mga mangyayari sa susunod na mga araw.  Tulad na lang ng Senate hearing sa Lunes.  Much-awaited din ang mga malalantad pa tungkol sa maanomalyang ZTE deal.   Sa mga darating na araw, lalong mabubuo ang kapasyahan ng taumbayan sa career ni Gloria Macapagal Arroyo bilang presidente.  Kaya’t dapat abangan ni Gloria ang papalaking mga rali na magpapabagsak sa kanyang career at magpapatigil sa kanyang pangungarakot sa salapi ng bayan.     

• 1)    Zoon the Truth will Emerge

Sa ngayon, si Jun Lozada ang kumakatawan nito.  Naglakas loob siya para ilabas ang mga nalalaman niyang anomalya sa ZTE deal. 

Panawagan sa iba pang sangkot at may kaugnayan sa ZTE deal na ito :  Lumantad na at sabihin ang katotohanan para sa sambayanan!  

        2)    Zobra na! Tama na! Exit na GLORIA!  

Nakasulat ito sa mga banners na dala-dala ng mga nasa rally.  Naalala ko nung panahon ni Marcos ang sigaw ay : Sobra na, Tama na, Palitan na!  Noong panahon naman ni Erap : Sobra ng pahirap, Patalsikin si Erap!

Napatalsik si Marcos.  Napatalsik si Erap!   

Kaya…..

• 3)     Zama-zama Tayo ulit sa Edsa!  

At kahit saan pa – sa Edsa, Ayala o kahit Mendiola pa.

Natatandaan ko yung mga gabing nasa EDSA  kami noong 2001.  Hindi kami nakaramdam ng pagod.  Kahit mahaba ang nilalakad namin, tapos pagdating dun ay ang dami-daming tao,   walang pagod na nagaganap.  Ang nasa isip lang namin,  kailangan dumami pa ang mga tao hanggang bumaba na sa pwesto si Erap.   

Kaya hindi tayo dapat mapagod na kumilos.  Mas magiging makabuluhan ang katotohanang ibinunyag ni Jun Lozada kung kikilos tayo. 

Gusto ko ‘to mapanood. Gusto ko ring mapakinggan ang soundtrack.  Sana meron na sa Quiapo.  Pag nakatyempo kami nito sa DVDlandia, swak na ‘to pang Valentine’s date.  hehehe.