Die laaste paar maande was ‘n warrelwind belaai met onstabiele emosies, swak besluite en seer. Seer wat net nie wil ophou of weg gaan nie en aanhou asof klou aan my asof ek in’ n wag-‘n-bietjie bos vasgevang bly.
En nou is ek ‘n weduwee
Ons woonstel het ‘n trap wat vir my ‘n tipe van ‘n bittersoet toevlug geword het. Ek sit vanoggend in die heerlike winterson op die trap en gaan deur my foon om bietjie ou boodskappe skoon te maak. Read more
10 Jaunuarie 2019
Omtrent kwart voor twaalf op die aand van 10 Januarie 2019 wil ‘n muskiet my nie uitlos en ek begin krap en klap en rond rol van frustrasie. Nege minute voor twaalf sien ek my selfoon, wat vir die eerste keer in baie jare op silent is, se liggie ophelder en die naam wat verskyn laat my vir ‘n oomblik na my asem snak, SD is nie die tipe mens wat in die aand bel tensy daar ‘n probleem is nie.
Die kolk in my siel
Ons almal kry daardie dae waar jy net voel of jou siel nie sy lêplek kan kry nie, en jy kan nie werklik jou vinger sit op wat die oorsaak van jou gemoedsbekakking is nie. Jip ek het sopas daardie woord gebruik, want dit is my blog en ek kan hier sê presies hoe ek voel en kerm en teem oor al die dingetjies wat my krap en irriteer en hopelik kan ek so die wortel van die kwaad ontdek. Ek het dus as gevolg van my irritasie met my gemoedsbekakking besluit om te delf vandag en al die moontlikhede te ondersoek.
Kat in die donker
Hierdie is nie heeltemal my storie nie, meer ‘n observasie.
Ons voel soms so alleen wanneer ons probleme in ons verhoudings en lewe ervaar, maar daar is gewoonlik soveel ander mense wat deur dieselfde ding gaan. Soms het ons die moed om daaroor te praat en ander kere krop ons dit op, en probeer net daarvan vergeet, tot eendag wanneer iemand daardie rofie van die wond af ruk, en al daardie ou seer weer na die oppervlak bring.
Die jaar wat verby is
Die laaste twaalf maande was die moeilikste, opwindendste, deurmekaarste en inspirerende jaar van my lewe. Ek het rock bottom geval, opgestaan en my pad dag vir dag probeer vind. Ek het vriende verloor en nuwe vriende gemaak en terselfdetyd uitgevind wat werklik vir my belangrik is in die lewe. Ek het myself gevind en weer langs die pad verloor en dis miskien nie die ergste ding wat kon gebeur het nie. Ek staan steeds al het ek moed verloor langs die pad.
Tyd, afstand en vertroue
In my jonger jare het ek ‘n langafstand verhouding gehad vir meer as ‘n jaar, Teen die einde van daardie verhouding het ek myself myself belowe ek sal nie weer in ‘n langafstand verhouding betrokke raak nie, maar hier sit ek nou weer in dieselfde bootjie.
Overthinking
Soms kry ‘n mens daardie leë hol kol binne in jou wat nie verduidelik kan word nie, en dan begin jy dink; “wat kan dit wees?”. Dit is net hier waar jou gedagtes weghardloop met jou en die overthinking begin.
Kry jou feite reg
Iets wat my geweldig pla van die samelewing is dat mense ‘n opinie wil lewer oor dinge waarvan hul niks weet, of wat hul nie verstaan nie. Lig liewer jouself in oor die onderwerp voordat jy jou mond oopmaak en jouself soos ‘n aap laat lyk.
Liewe Potato
Jy het onverwags ‘n vriendin geword, iemand waarmee ek dinge in gemeen het wat ek nooit regtig verwag het nie. Jy het my eintlik verstom toe ek jou beter leer ken. Jy is meer as net die bubbly tienermeisie wat altyd lag, jy het in my hart ingekruip en vir my soos ‘n klein sussie geword.
geskroeide hart 