-
في يوم اتعاهدت العتمة مع الذلة
كانت معاهدة شر شكلها بان خير
اتعاهدو يقتلوا النور والكرامة
في قلوب الناس ويدبّحوا في الطير
واللي يقول الحق يبقى عبيط
عبيط واهبل وبريالة وسيئ السير
وسلوكه ضاربة وهيروح ورا الشمس
يروح الخانكة (اوضة العزل) فيها اسير
بينادي باعلى الصوت بحبك (يا مصر بحبك)
وكلامي كان علشانك لكن مين يسمع
اذا كان السجّان اصلا من المحاسيب
اللي بيعشقوا العتمة… لأ… ده هو العتمة نفسيها
وهو الضلمة خانقانا بشكل عجيب
امتى يعود النور وينكسر قضبانهم العادلي
امتى اعود واحلم واغني تاني موّالي
هو انا حلمي حرام …
اشمعنى امريكا
ام الخمسميت عام فيها الحرية مكفولة لكل الناس
اللي ابيض واللي زنجي… الفقير وابن الكبار
ولا انتي يا مصر حاسّة بازدهار
على ايد حديد قوية بتضرب ليل ونهار
وانا اللي في الآخر بموت من ضربة قتلاني
أنور
- ® طلاب حركة حقي – جامعة القاهرة
Haqqi Students-Cairo University طلاب حركة حقي-جامعة القاهرة 
حلة القصيدة دي …. بسمعها كتير على معارض حركة حقي
Comment by اشرف — July 9, 2009 @ 10:44 pm |
اسكت ولو حسيت ان الصمت مر
قوامك قعودك ايه راح يضر
ولوفكرت يوم يبقى الفكر شر
ولو مت يوم يبق انت حر
Comment by ابراهيم بن الدولة — November 12, 2009 @ 11:03 pm |