Khmer For Khmer GROUP (K4K GROUP)

ចក្ខុវិញ្ញាណ

ឪកោះខ្សាច់សសូរិយារាបលិច រលកព្រិចៗឆ្លុះឃើញចន្រ្ទា

រះមួយចំនិតលើផ្ទៃគង្គា ថ្ងៃនេះពង្ងាគយគន់ម្នាក់ឯង។

សោតវិញ្ញាណ

វេលាមួយ ព្រួយព្រឺព្រួច លួចលបលៃ សព្វម្រឹកព្រៃ រៃកណ្ដឹង ប្រឹងកុំខាន
ធ្លាប់តែស្ងាត់ បាត់សំលេង គេងសុខសាន្ដ មិននឹកស្មាន ប្រាណញ័រញែក ស្រែករំពង។

សន្ធឹកព្រៃ ក្ដីរញ្ជើប ទើបប្រទះ ផ្គររន្ទះ ជះអំណាច កាចតែម្តង
កក្រើកមេឃ ជ្រែកធរណី ទីស្ងាត់ផង ស្ដេចអួតប៉ង យោងកំណើត កើតពីម្ដាយ។

ឃានវិញ្ញាណ

បុប្ផាស្រុកស្រែប្រឹងលាក់ប្រាណ សាយក្លិនកល្យាណក្រអូបក្រៃ

កន្លង់ប៉ងក្បែរថែចរណៃ គន្ធាថ្លាថ្លៃទាក់ចិន្ដា។

ជីវ្ហាវិញ្ញាណ

អន្លក់ទឹកគ្រឿងរៀបជាស្រេច អំបិលស្ករម្រេចល្មមសមសួន

ត្រីអាំងស្វាយខ្ចីឆាត្រកួន សម្រាំងរៀបជូនដល់ពុកម៉ែ។

កាយវិញ្ញាណ

ជំនោរត្រជាក់បក់មកប៉ះកាយ អារម្មណ៍ស្រស់ស្រាយក្នុងចិត្តត្រេកអរ
ពេលឃើញអ្នកទិញមកច្រើនឈូឆរ រងចាំរេរ៉តាមចិញ្ចើមផ្លូវ។

ម្រាមដៃស្រលោនដូចបន្លាក្រូច

 សាច់សរលោងទន់ដូចសំឡី

ព្រលឹងវិញ្ញាណ

អង្រឹងយោលយោគដក់ជាប់ក្លិនស្នេហ៍ វាយោបំពេរបងនឹងកល្យាណ

តន្រ្ដីធម្មជាតិពិរោះប្រៀបបាន ដូចសួគ៌ាឋានឥន្ទព្រហ្មទេវតា។

តុលាវិញ្ញាណ

អ្នកបររទេះភ្លឹកភ្លេចភ្លាំង ផ្លូវកោងបត់ខ្លាំងជិតក្រឡាប់

ខ្ញុំឆក់ទាញខ្សែជាប្រញាប់ រួសរាន់ខំចាប់គ្រប់គ្រងល្បឿន។

ចិត្តវិញ្ញាណ

សម្រក់ទឹកភ្នែកលើផែនក្រដាស់    ប៉ាកាចែងច្បាស់រឿងហេតុប្រវត្តិ
ភ្នំឆ្អឹងស្ទឹងឈាមបៀមល្វីងជូរចត់    សំណេរកំនត់ដាស់តឿនកូនខ្មែរ។

ទឹកចិត្តមួយដួងដែលស្រឡាញ់ខ្មែរ ស៊ូរក្សាថែលុះត្រាក្សិណក្ស័យ

(ទាំងកំលាំងចិត្តមនសិកាថ្លៃ គតិកែច្នៃអភិវឌ្ឍជាតិ)។

សារជាតិជាអ្នកប្រមឹក រាល់ថ្ងៃយប់ព្រឹក នឹកតែសុរា។

ពេលយប់នាំគ្នាចូលបា ស្រីញីត្រៀបត្រា អោបឆ្វេងថើបស្ដាំ។

ប្រពន្ធនៅផ្ទះខំចាំ ទឹកភ្នែកសស្រាំ ចាំបងវិលវិញ។

ក្មេងតូចរងារញ័រសប់ប្រាណ ព្រោះគ្មានសន្ដានជួយសប់ជ្រុង

គេងក្រៀមក្រពះនៅក្រៅមុង ដៃព័ទ្ធរង្វង់អោបក្រញង់។

សតិវិញ្ញាណ

ក កើតជាមនុស្សវិសេសក្រៃ        ខ ខំលកលៃរាបកិរិយា
គ គន់រូបកាយនិងវាចា                   ឃ ឃើញយាយតាឪនគោរព។
ង ងឹតងងុលត្បិតមិនដឹង    ច ចិត្តខំប្រឹងរៀនសេពគប់
ឆ ឆាប់រាប់អានគ្រប់ប្រភព            ជ ជួបចូលស៊ប់វង់អ្នកប្រាជ្ញ។

បញ្ញាវិញ្ញាណ

ត្នោតខ្មែរ (បទ ពាក្យ៧)

(១) ដែនដីសុវណ្ណភូមិមានសព្វគ្រប់    រុក្ខជាតិដុះទ្រុបបៃតងខ្ចី

ថ្លែងពីត្នោតខ្មែរល្អប្រពៃ                   ប្រជាប្រុសស្រីទទួលផល។

(២) ត្នោតខ្មែរដុះគ្រប់ទីតំបន់           គិតគូរល្អិតល្អន់មិនខ្វាយខ្វល់

និមិត្តរូបខ្មែរយើងតំកល់                 ឃើញត្នោតហ៊ានភ្នាល់ថាដីខ្មែរ។

(៣) ថ្លែងពីប្រយោជន៍មានអនេក   កូនខ្មែរវែកញែកជាហូរហែ

ពីគល់ដល់ចុងមិនគេចកែ              ថ្លែងប្រាប់ពុកម៉ែអស់ចំណោទ។

(៤) ព្រលឹមស្រាងៗមាន់រងាវ         លើកដាក់លីអៀវបំពង់តោ្នត

ផ្អោបដើមឬស្សីជីកដីដោត           ចង់ខ្សែជាប់ត្នោតឡើងយកទឹក។

(៥) ទឹកត្នោតដែលល្អគាបបីថ្ងៃ     រួចហើយលកលៃចិតអោយថ្នឹក

បំពង់ឬស្សីចាំត្រងទឹក                   លុះដល់ល្ងាចព្រឹកយកមកផ្ទះ។

(៦) ទឹកផ្អែមទឹកជូរតាមចំនង់        សល់ពីបំពង់រៀបចំខ្ទះ

រំងាស់ជាស្ករកុំខ្ចាយខ្ចះ                  ញាប់ដៃរូតរះលេចចេញច្បាស់។

(៧) ស្ករផែនស្ករពាងទុកបំរុង      ញាត់ក្នុងកំប៉ុងទុកប្រើប្រាស់

អាចយកលក់បានកំរៃខ្លះ            ចិញ្ចឹមអ្នកផ្ទះមានសិរី។

(៨) ស្លឹកត្នោតកុំចោលធ្វើស្មុកផ្លិត ដេរចាក់អោយជិតកន្ទេលថ្មី

អាពាហ៍ពិពាហ៍កូនប្រុសស្រី         ក្រាលជូនតាយាយអង្គុយលេង។

(៩) ធាងគៀវលៃលកវេញជាខ្សែ  ចងគោមើលស្រែពេលយើងគេង

ចងជាអំបោសទុកអោយក្មេង          ក្រោយពេលរត់លេងធ្វើការងារ។

(១០) ផ្លែខ្ចីទុកធ្វើម្ហូបដាំស្ល            បងប្អូនកុះករញ៉ាំជុំគ្នា

ផ្លែទុំធ្វើនំនែកនានា                      ជជែកសន្ទនាយ៉ាងក្អាកក្អាយ។

(១១) គ្រាប់ខ្ចីទុកធ្វើជាបង្អែម     ដាក់ចូលមាត់ផ្អែមសើចសប្បាយ

គ្រាប់ទុំរឹងខ្លាំងកុំជិនណាយ       ធ្វើកង់ធ្វើកាយក្មេងកំសាន្ដ។

(១២) ពេលខ្លះភ្លេចខ្លួនលេចក្រពីញ  យាយហាមាត់ស្ញេញខំតាមដាន

ស្លាបព្រាកាយគាស់ជូនសន្តាន ពិសាអោយបានសុខភាពល្អ។

(១៣) រីឯដើមវិញមានតំលៃ  អាចយកកែច្នៃគ្រឿងលំអ

ធ្វើផ្ទះធ្វើទូករិតបវរ              ប្រជាអប់អរចេញនេសាទ។

(១៤) បច្ចុប្បន្នវិទ្យាសាស្រ្ដទំនើប  ត្នោតខ្មែរហក់ងើបចេញរាងស្អាត

ផលិតជាស្រាមិនអោយខាត       វេចខ្ចប់ស្អាតបាតទៅបរទេស។

(១៥) ដូចនេះកូនខ្មែរជំនាន់ក្រោយ  ចូរកុំកន្ដោយភ្លេចខ្លួនធ្វេស

កាប់លក់អោយគេទៅបរទេស      ត្នោតខ្ទេចដូចផេះខ្មែរធ្លាក់ខ្សោយ។

(១៦) ប្រយោជន៍ត្នោតខ្មែរច្រើនលើសលុប     បរិយាយម៉្ភៃយប់តាមលំដោយ

ក៏រាប់មិនអស់នូវអំណោយ        ត្នោតខ្មែរផ្ដល់អោយយើងគ្រប់គ្នា។

និពន្ធដោយ សុខ គឹមហេង

៦ សីហា ២០១០

កំណាព្យប្រស្នា បឹងបទុម (បទ នាគរាជប្លែងឬទ្ធិ មេពាក្យ៨)

(១)ដូនចាស់ខំជីកដីបានជាបឹង  បូជាបីព្រលឹងរូបសង្ខារ

រស់សុខមស្លាប់រមនាប៉ងថា   និព្វានថីបុប្ផាបទុមរីក។

(២)បន្ទុករាប់រយពាន់ដែលរ៉ាប់រង ដរាបរស់បំព្រងលាតពង្រីក

លូតពណ្ណរាយពីភក់ដែលខ្មៅព្រីក ដូចខ្មែរប្រឹងដុះរីកចំណេះដឹង។

(៣)ចំណុចដែលដូនចាស់សំគាល់ទុក សាយគមទើសនាំទុក្ខកើតកំហឹង

កើនកំហុលក្រហាយទាំងទទឹង ទទះទើសជាប់ឆ្អឹងប្រឹងបែកគម។

(៤)ប្របែកគ្នាប្រឹងដុះផុតផ្ទៃទឹក ផស្សផ្ទោងទាស់ពន្លឹកព្រោះគំនុំ

ព្រៃគំនិតគិតតែខ្ចីមិនទុំ ខ្ចោបមាំទាំទ្រនំអត្មាអញ។

(៥) អង្គត្មោលអញត្មិលគិតគូរពិនិត្យ គួរពំនាក់រាប់មិត្តកុំឈ្នះចាញ់

កល់ឈ្នាន់ចងចិត្តជាមិត្តសំឡាញ់ មេឃស្រឡះស្វិតស្វាញត្រងពន្លឺ។

និពន្ធដោយ សុខ គឹមហេង

០២ ឧសភា ២០១១

សុខ គឹមហេង

០១៧ ៩៨៨ ៨៩២

sok.kimheng@gmail.com

http://www.k4kgroup.wordpress.com

http://www.facebook.com/cyberspacekh

http://www.facebook.com/Nokor.Khmer.Center

ឯកសារនៃការចែករំលែកចំណេះដឹងវប្បធម៌

នាគក្មែរ

Khmer Poem

Khmer Proverb

សិក្ខាសាលាអក្សរសិល្ប៍ វិញ្ញាសាវិញ្ញាណ១០

ថ្ងៃទី ១៧ មិថុនា ២០១២
នៅ សាកលវិទ្យាល័យ អាស៊ីអឺរ៉ុប ផ្លូវកម្ពុជាក្រោម ក្រុងភ្នំពេញ

កម្មវិធី

ពេល                        ឈ្មោះកម្មវិធី

06:30 – 07:00     ចុះឈ្មោះ

07:00 – 07:15       ប្រកាសកម្មវិធី និង គោរពភ្លេងជាតិ

07:15 – 07:20       របាំនារីខ្មែរ

07:20 – 09:20       សិក្សាអំពី ការបណ្តុះសតិបញ្ញាក្នុងស្នាដៃអក្សរសិល្ប៍ តាមរយៈការប្រើវិញ្ញាណ១០ ដោយអ្នកគ្រូ កែវ ច័ន្ទបូរណ៍

09:20 – 09:30       សម្រាក១០នាទី កម្សាន្តជាមួយក្រុមចម្រៀងកុមាររុងរឿង

ការពិសោធន៍ ក្នុងការអាន និងសរសេរ ដើម្បីបំបែកគំនិតអោយទូលាយដោយ

09:30 – 09:45       លោក នភ ហង្សផលា

09:45 – 10:00       លោក យី ឆេងអ៊ួ

10:00 – 10:15       លោក ហេង ស្រ៊ាង (សមាគម PEN)

10:15 – 10:30       ក្បាច់កាព្យសាស្រ្តខ្មែរ ដោយ លោក វ៉ែន សុន

10:30 – 10:45       ក្បាច់កាព្យសាស្រ្ដខ្មែរ ដោយ លោក តឿម សុភ័ស្ត

10:45 – 11:15       សំនួរចម្លើយ

11:15 – 11:35       ការសម្ដែងល្បុក្កតោ

ពិសាអាហារថ្ងៃត្រង់

13:00 – 13:15       ច្រៀងបើកកម្មវិធី

13:15 – 14:15       ក្បាច់កម្រងកែវទំនុកច្រៀងនិងពំនោលល្ខោន ដោយអ្នកគ្រូ កែវ ច័ន្ទបូរណ៍

14:15 – 14:30       ក្បាច់កាព្យសាស្រ្តខ្មែរ ដោយ លោក អ៊ីវ ហួត

14:30 – 14:45       ការស្រាវជ្រាវពី សាសនៈមាតាមហានគរក្មែរ លោក គៀត ចាន់ថុន

14:45 – 15:00       បទពិសោធន៍នៃការតែងកំណាព្យ លោក សុខ គឹមហេង

15:00 – 15:35       ទស្សនាល្ខោន និយាយ សម្តែងដោយ ក្រុម ខ្មែរមង្គល អង្គការដើម្បីភាពញញឹមនៃកុមារ

15:35 – 16:00       ការនិពន្ធបទភ្លេងនិងចម្រៀង ដោយ លោក នភហង្សផលា និង លោក យី ឆេងអ៊ួ                   

16:00 – 16:10       ទស្សនាការសម្តែងចម្រៀងកុមារដោយក្រុមស្រលាញ់ខ្មែរ អង្គការដើម្បីភាពញញឹមនៃកុមារ

16:10 – 16:20       ទស្សនាការច្រៀងចម្រៀងយុវជន ដោយក្រុម ស្មារតី (លោក នភ ហង្សផលា)

16:20 – 16:45       លំហាត់ហ្វឹកហ្វឺន សំនួរចម្លើយ ការបង្ហាញនិងវិភាគស្នាដៃផ្សេងៗ

16:45 – 16:50       ច្រៀងរួមគ្នា

16:50 – 17:10       ចែករង្វាន់ជ័យលាភី និង ថតរូបជុំគ្នា

17:10 – 17:15       ប្រកាសបិទកម្មវិធី

រៀបចំដោយ សមាគមអ្នកសាបព្រោះ

របាយការណ៍ក្រុមគំនូរជីវចលខ្មែរ
ថ្ងៃសៅរ៍ ទី២៨ ខែមេសា ឆ្នាំ២០១២

សមាជិកដែលបានចូលរួមថ្ងៃនេះ

ថ្ងៃនេះជាថ្ងៃដំបូងនៃការជួបជុំ រវាងអ្នកដែលមានចិត្តស្រឡាញ់គំនូរ ការរចនា និង វប្បធម៌ខ្មែរ ពីមជ្ឈដ្ឋានផ្សេងៗគ្នា។ ម៉ោង៨ព្រឹក សមាជិក២១នាក់បានមកដល់ ហើយពិភាក្សាគ្នា សំណេះសំណាលគ្នា អំពីគោលបំណងដែលចូលរួមក្រុម ព្រមទាំងគោលបំណងសំខាន់ៗដែលនៃការងារដែលយើងនឹងសហការគ្នា។ ចំពោះសមាជិកដែលមិនបានចូលរួមថ្ងៃនេះ នឹងមកចូលរួមនាពេលបន្ទាប់ទៀត។ ក្រោយពីការជួបជុំ យើងបានសម្រេចជាលទ្ធផលមួយចំនួនដូចខាងក្រោម៖

ឈ្មោះក្រុមសម្រេចយកឈ្មោះ ក្រុមគំនូរជីវចលខ្មែរ
គោលបំណងរបស់ក្រុម ស្ដែងចេញពីចំនុចទាំងឡាយនៃគោលបំណងសមាជិកក្រោមទាំងអស់គឺ៖
• បង្កើតអោយមានគំនូរជីវចលជាលក្ខណៈខ្មែរ
• បង្កើតគំនូរជីវចលខ្មែរដោយខ្លួនឯងផ្ទាល់
• បញ្ចេញគំនិតរបស់ខ្លួនតាមរយៈគំនូរជីវចល
• ធ្វើអោយគំនូរខ្មែរធម្មតា និង គំនូរបុរាណមានចលនា
• ផ្សព្វផ្សាយវប្បធម៌ និង អរិយធម៌ខ្មែរតាមរយៈគំនូរជីវចល
• ចាក់ឫសគល់ដល់កុមារលើពិភពលោកតាំងពីតូច អោយស្វែងយល់ ពីវប្បធម៌ អរិយធម៌ខ្មែរតាមរយៈគំនូរជីវចល
• បង្ហាញអំពីសក្កានុពលនៃជាតិខ្មែរដល់ពិភពលោក តាមរយៈគំនូរជីវចលខ្មែរ

ខាងលើនេះជាគោលបំណង ដែលសមាជិកក្នុងក្រុមបានលើកឡើង ដោយមានឆន្ទៈ ក្នុងការស្រឡាញ់ គំនូរ សិល្បៈ វប្បធម៌ និង ប្រទេសជាតិ យើងសង្ឃឹមថា ក្រុមនេះនឹងសំរេចគោលបំណងខាងលើជាក់ជាពុំខាន។

សកម្មភាពដែលយើងនឹងអនុវត្តបន្ទាប់
• បង្កើតគេហទំព័រលើ wordpress មួយដើម្បីផ្សព្វផ្សាយព័ត៌មាន
• បង្កើតក្រុមមួយនៅហ្វេសប៊ុកដើម្បីពិភាក្សាគ្នា
• បង្កើត Mailing list រួមមួយដើម្បីផ្ដល់ព័ត៌មានដល់ក្រុមទាំងមូល
• បង្កើតនិមិត្តរូបក្រុម ដោយសមាជិកម្នាក់ៗអាចរចនា ហើយយកមកពិភាក្សាគ្នាដើម្បីយកនិមិត្តសញ្ញាមួយជាគោល
• បង្កើតកាលវិភាគ ថ្ងៃសៅរ៍ អាទិត្យ ដើម្បីចែករំលែកចំណេះដឹងអោយគ្នា ទៅវិញទៅមក ដូចជា គំនូរធម្មតា គំនូរបុរាណ កម្មវិធីរចនា ផ្សេងៗ
• លទ្ធផលដែលយើងរំពឹងទុក គំនូរដែលមានលក្ខណៈខ្មែរ និង លក្ខណៈច្នៃប្រឌិតចេញពីគំនិតសមាជិករៀងៗខ្លួន សៀវភៅរឿងនិទាន គំនូរជីវចល អំពីវប្បធម៌ រឿងព្រេងនិទានខ្មែរជាដើម។
សម្រាប់ព័ត៌មានបន្ថែម យើងនឹងទំនាក់ទំនងគ្នា តាមប្រព័ន្ធអ៊ីនធឺណែត ហើយចាប់ពីសប្ដាហ៍ក្រោម ថ្ងៃសៅរ៍ អាទិត្យយើងនឹង ជួបជុំគ្នាដើម្បីរៀនពីគ្នាទៅវិញទៅមក ដោយយកស្មលវើល ផ្ទះលេខ១៧ ផ្លូវ៦០៤ ទួលគោក ជាកន្លែងសម្រាប់ជួបជុំគ្នា និង ធ្វើការងារ។

ជាបណ្តោះអាសន្ន ប្រសិនបើចង់ទំនាក់ទំនងមក ក្រុមគំនូរជីវចលខ្មែរ សូមទាក់ទង
លោក សុខ គឹមហេង ០១៧ ៩៨៨ ៨៩២ sok.kimheng@gmail.com
ក្រុមគំនូរជីវចលខ្មែរ

ផ្ដល់ឱកាសដល់ទស្សនៈរបស់ យុវវ័យសម័យថ្មីក្នុងការបញ្ចេញ បង្ហាញដល់សង្គម តាមរយៈស្នាដៃសិល្បៈ គំនូរ រឿង គំនូរជីវចល ជាដើម។

តើរងចាំដល់ណាទៀត ចាប់ផ្ដើមគូរទាំងអស់គ្នា ជាមួយក្រុមគំនូរជីវចលខ្មែរ។