ផ្កាកូឡាបត្រូវបានគេដាំនៅគ្រប់ទីកន្លែង ស្ទើរពាសពេញពិភពលោក ពីព្រោះវាមានផ្កាយ៉ាងល្អឆើតឆាយណាស់ ។ ខ្មែរយើងវិញក៏និយមចូលចិត្តដាំវាដែរ ប៉ុន្តែច្រើនតែដាក់ដាំនៅក្នុងផើង ពុំសូវឃើញមានដាំតាមសួនទេ តែបើ សិនជាមានវិញ មិនយូរប៉ុន្មាន វាក៏ត្រូវងាប់ ឬមានផ្កាកាន់តែតូចទៅ ឬលែងមានផ្កាល្អៗដូចគ្រាដាំដំបូង ។
ដើម្បីថែរក្សាផ្កាកូឡាបឲ្យល្អទៅបាន យើងត្រូវដឹងខ្លះដែរពីវិធីសាស្ត្រមួយចំនួន ដោយរួមមានទាំងការថែទាំ ស្រោចទឹក ដាក់ជី និងការពារវាពីសត្វល្អិចង្រៃផ្សេងៗ ។ តែពេលនេះ យើងសូមលើកយកតែវិធីបណ្តុះដើមកូឡាបពីទងផ្កាដែលយើងបានទិញមកពីផ្សារ ពីព្រោះវាជាពូជផ្កាដែលល្អ មួយវិញទៀត ធ្វើឲ្យយើងអាចយល់ដឹងពីបច្ចេកទេសនៃការបណ្តុះឫសពីទងកូឡាបសម្រាប់ដាំផងដែរ ។
វិធីបណ្តុះឫសកូឡាប :
កូឡាបអាចត្រូវបណ្តុះដោយប្រើឫស, មែក, និងទងរបស់ផ្កា គេក៏អាចបំបែកវាដោយការប្រើពន្លកចេញពីមែកផងដែរ ។
វិធីបណ្តុះផ្កាកូឡាបចេញពីទងផ្កា
១) យើងអាចទៅផ្សារអូឫស្សី (ខាងកើតផ្សារ) ឬផ្សារថ្មី ដើម្បីទិញផ្កាកូឡាប តែត្រូវរើសរកផ្កាណាដែលមានទងថ្លោសល្អ និងមានទងនោះវែងហើយមានផ្កាធំៗល្អ ទិញចំនួនតែ ៥ទងមកបានហើយ ។ (ត្រូវឲ្យមានស្លឹកខ្លះនៅជាប់ជាមួយទងផង)
២) ចូលទៅក្នុងផ្សាអូឫស្សី តាមច្រកខាងកើត រកមើលកន្លែងលក់គ្រាប់ពូជដំណាំ សួរគេរកទិញថ្នាំបណ្តុះឫស ផលិតនៅប្រទេសថៃ សំបកប្រអប់ពណ៌បៃតង ។ ថ្នាំបណ្តុះឫសនេះជាប្រភេទថ្នាំទឹក វាមានតម្លៃ ១២០០៛ ក្នុងមួយដប ទិញត្រឹម ១ដបមកបានហើយ ។
៣) ពេលយកមកដល់ផ្ទះ យើងត្រូវដាក់ផ្កាកូឡាបនេះត្រាំក្នុងទឹកធម្មតា កុំប្រើទឹកម៉ាស៊ីន ដាក់ត្រាំឲ្យលិចគល់ទង ប្រហែល ៥សង្ទីម៉ែត្របានហើយ ។
៤) រកកន្ត្រៃកាត់មួយ កន្ត្រៃដែលគ្មានច្រែស សម្រាប់កាត់ស្លឹក និងទង ។
៥) ថង់ប្លាស្ទីក (ថង់ដាក់បង្អែម) ខ្នាតប៉ុន ១៥សង្ទីម៉ែត្រ (ទទឹង) ប្រហែល ២០សង្ទីម៉ែត្រ (បណ្តោយ)
៦) រកស្រកីដូងមួយចំនួនមកដាក់ត្រាំក្នុងធុងទឹក រួចសង្កត់ឲ្យលិចទៅក្នុងទឹក ទុកចោលមួយសន្ទុះ ទើបយកមកដំ ដោយប្រើលើអង្កត់ធំមួយ យើងដំយកកំទេចរបស់វា (កំទេចម៉ត់) យើងត្រូវការកំទេចនេះប្រហែល ១ត្រឡោកដូង ឬច្រើនជាងនេះ ។
៧) យកផ្កាកូឡាបដែលបានដាក់ត្រាំក្នុងទឹកនោះ មកកាត់យកផ្កាចេញ កាត់ត្រឹមគល់របស់ទងផ្កា កាត់ស្លឹកចេញទាំងអស់ គឺកាត់ត្រឹមគល់ស្លឹក (ទងស្លឹក) កាត់ផ្នែកខាងចុងគល់ទងចោលប្រហែល ៥សង្ទីម៉ែត្រ ប្រើកាំបិតស្លាពុះច្រៀកគល់ទងនេះជាបួនប្រវែងប្រហែល ៥សង្ទីម៉ែត្រ គឺលៃយ៉ាងណាឲ្យបានមកជិតដល់គល់ទងស្លឹកដែលនៅក្រោមគេបំផុត ។
ចាក់ទឹកថ្នាំបណ្តុះឫសចូលក្នុងកូនថង់ប្លាស្ទីកតូចមួយ (ថង់ដាក់ប៊ីចេង) ចំនួនប្រហែលពីរគំរប កាត់ទងកូឡាបទាំងប្រាំដូចបានប្រាប់ខាងដើម ដាក់គល់ទងដែលបានច្រៀកចូលក្នុងកូនថង់ទឹកថ្នាំនេះ ក្របួចមាត់ថង់ ក្រឡុកបន្តិច ដើម្បីឲ្យទឹកថ្នាំបានចូលក្នុងទងបានសពល្អ ទុកវាមួយឡែកសិន រកដីដែលស្អាត ឬទិញដីជីកំប៉ុស្ត ចំនួន ១បាវ (១៥០០៛) មកច្របាច់បំបែករួចដាក់ហាលថ្ងៃចំនួនល្មមសម្រាប់បណ្តុះកូឡាបប្រាំទងនេះ បន្ទាប់ពីបានហាលដីនេះមួយសន្ទុះ ប្រហែល ២០-៣០នាទី យកវាមកលាយច្របល់ជាមួយកំទេចស្រកីដូង ។ បន្ទាប់ពីបានច្របល់សព្វហើយ យកទឹកថ្នាំបណ្តុះឫសមួយគំរបមកលាយជាមួយទឹកស្អាត (ទឹកធម្មតា ឬទឹកសុទ្ធ) ចំនួន ១លីត្រ ដាក់ចូលក្នុងដបបាញ់ទឹក បាញ់សាចលើដីដែលបានលាយនោះឲ្យសព្វល្អ រហូតដីនោះមានសំណើម តែមិនឲ្យសើមពេកណាស់ណាទេ ។ ច្រកដីទាំងនេះចូលក្នុងថង់បណ្តុះត្រឹម 3/4 សង្កត់វាឲ្យណែនល្មម យកម្រាមដៃរុកចូលចំកណ្តាល ដកយកទងកូឡាបដែលបានរៀបចំហើយនោះមកស៊កដោយប្រយ័ត្ន ឲ្យលិចចូលក្នុងដីប្រមាណជា ១០សង្ទីម៉ែត្រ សង្កត់ដីជុំវិញលុបកល់ទងឲ្យណែនល្អ បាញ់ទឹកដាក់ត្រង់គល់ទងបន្ថែម យកកៅស៊ូមកចងក្របួចមាត់ថង់នេះ ដាក់វាមួយអន្លើ រួចធ្វើដូចគ្នាបែបនេះរហូតគ្រប់ទាំងប្រាំទង យកទងដែលយើងទើបបានដាក់បណ្តុះនេះ ទៅរក្សាទុកនៅត្រង់ទីដែលមានម្លប់ខ្លះៗ សូមយកថង់ធំមួយមកគ្របពីលើទងមកនោះផង, ទីដែលនៅជុំវិញថង់បណ្តុះនោះត្រូវចាក់ទឹកឲ្យសើមជានិច្ច មិនត្រូវឲ្យស្ងួតជាដាច់ខាត រក្សាវាទុកបែបនេះរហូតយើងឃើញវាមានចេញឫសសៗតាមខាងៗរបស់ថង់ដែលយើងបានបណ្តុះនោះ ។
បញ្ជាក់ : ឫសនោះមានទំហំធំៗថ្លោសល្អ តែបើឫសនោះមានសសៃតូចៗវិញ វាមិនសូវល្អទេ (តែអាចដាំបានដូចគ្នា) ។
នៅពេលកូឡាបនេះមានចេញជាត្រួយថ្មី ប្រហែល ១០ ទៅ ២៥សង្ទីម៉ែត្រ យើងអាចយកវាទៅដាំបានហើយ តែបើយើងមិនឃើញវាមានដុះឫសចេញមកសោះក្នុងរវាង ១០ថ្ងៃ នោះបានសេចក្តីថា វាមិនដុះទេ ត្រូវព្យាយាម ធ្វើដដែលនេះសារជាថ្មី តែត្រូវទិញ ទងកូឡាបដែលល្អជាងមុន និងទិញពីកន្លែងផ្សេង វិធីបណ្តុះគឺនៅរក្សាដដែល ។
បើសិនយើងអាចបណ្តុះវាបានជោគជ័យ នោះយើងនឹងមានផ្កាកូឡាបស្រស់បំព្រងគ្រប់ពេលវេលាសម្រាប់ដាក់តាំងលំអជាពុំខានឡើយ ។
កូឡាបត្រូវការជីប្រភេទអាចម៍ប្រចៀវលាយជាមួយទឹក យកមកស្រោចត្រង់គល់របស់វា យើងក៏អាចយកកំទេចកំទីពីចង្ក្រានបាយមកត្រាំទឹក រួចប្រើទឹកនោះស្រោចក៏បាន ក្រៅពីនេះវាត្រូវការជីប្រភេទ ហ្វូសហ្វាត ដើម្បីធ្វើឲ្យផ្កាធំល្អ និងផ្កាច្រើន ។
ប្រើជីកំប៉ុស្តដាក់ជុំវិញគល់ តែមិនត្រូវស្រោចទឹកឲ្យសើមពេកទេ កុំប្រើទឹកម៉ាស៊ីនថ្មីៗ ស្រោចគួបើកដាក់ចូលក្នុងពាងទុកឲ្យបាន ២៤ម៉ោងសិនមុនយកមកស្រោចដំណាំ ។
As my friend was passing the elephants, he suddenly stopped, confused by the fact that these huge creatures were being held by only a small rope tied to their front leg. No chains, no cages. It was obvious that the elephants could, at anytime, break away from the ropes they were tied to but for some reason, they did not. My friend saw a trainer nearby and asked why these beautiful, magnificent animals just stood there and made no attempt to get away.
ត្នោតខ្មែរ 
You must be logged in to post a comment.