黑椒洋蔥炒雞球

今晚得我和老公兩個人食飯，

簡單煮咗一個餸，

就係黑椒洋蔥炒雞球喇!

呢個可以撈黑椒汁送飯，

濕濕哋好惹味架!

菜脯肉碎炒雞蛋

 

今日摷雪櫃，

見到有包菜脯乾，

好似係之前去大陸旅行時買嘅，

咁啱雪櫃仲有半碗豬肉碎，

加埋3隻雞蛋，

煮咗呢碟菜脯肉碎炒雞蛋呀!

豉汁煎封黃立倉

 

老公鐘意食魚，

見到街市有黃立倉賣$50條，

拿拿臨買咗條返屋企，

响魚身鎅幾刀和落少少鹽醃佢，

之後落薑慢慢煎熟佢後，

爆香蒜頭豆豉，

煮個薄薄豉油、蠔油和糖嘅芡汁，

將黃立倉回鑊煮至汁濃便成。

氣炸蜜汁叉燒

噚日買咗$50梅頭豬肉，

梅頭肉有少少肥，

用嚟醃叉燒就用啱喇!

坪輋雲泉仙館

噚日，

我哋一家五口去咗坪輋雲泉仙館拜祭奶奶，

之後去後門小市集買買買，

我和新抱仔都買咗唔少嘢，

真係滿載而歸呀!

午餐係度食埋齋菜先去大埔呀!

蓮藕粟米排骨湯

今日煲呢個蓮藕粟米排骨湯，

我上次係惠州都煲過，

當時材料都唔使￥22，

但係香港就唔得喇!

蓮藕同粟米買咗$20，

西施骨就買咗$65，

老公和細仔唔係咁鐘意紅蘿蔔，

所以今次冇加到，

我加多4片薑落去，

煲1.5小時，

落鹽和少少胡椒粉調味，

呢啖湯好清甜架!

惠州3日2夜

1月14日星期三

今日我和老公齊齊返惠州，

因為新裝修嘅新屋已經完成9成9，

差大型傢俬、燃氣和網絡安裝好後，

就可以入住架喇!

粟米燴魚柳

今日買咗青衣柳，

佢肉質比較實肉，

我之前買開嘅鯰魚柳係淋身，

兩款比較下，

我鐘意食實肉嘅青衣柳喇!

今晚就用佢嚟整咗粟米燴魚柳，

平時整呢個餸要用好多油炸魚，

今次我就係咁二煎熟魚柳再用粟米蓉去燴佢，

咁呢個餸就冇咁肥膩喇!

養生壺~清補涼煲豬腱

前陣子，

我和老公參與健康講座~中醫護眼謂座，

講座後每位參加者都送4個湯包，

今日攞咗其中一個湯包嚟煲湯，

清補涼煲豬腱，

我另加咗圓肉和瑤柱仔，

啖湯好甜呀!

朱鎧仁小朋友4個月喇

噚日朱鎧仁小朋友4個月喇!

我哋入去大埔探佢兼齊齊切蛋糕慶祝；

唔知係咪開始認人，

見到我哋嚟到即刻大喊，

流出大大粒眼淚，

哈哈，

真係好好笑，

好彩佢望多兩眼又同佢傾下計後，

朱鎧仁小朋友終於笑喇!

晚餐工人姐姐煮，

飯後切蛋糕，

朱鎧仁小朋友表情多多，

哈哈，

今日學識表演伸脷添呀!