10 Random Gedagtes op Donderdag 26 Oktober 2023

Posted by Net Ek on Oktober 26, 2023
Posted in: Random Gedagtes. 11 Kommentaar
  1. Om die Lotto te wen moet mens seker speel.  Sug.

  2. My skoonsuster koop Takealot as sy die moer in is vir my swaer.  BAIE Takealot.  Met sy kredietkaart. 

  3. Ek het seker die luidrigste kollega in Suid Afrika.  En hoe slimmer sy voel hoe harder praat sy. 

  4. HOEKOM het hulle Grandpa se verpakking verander?  Was iemand verveeld?

  5. Moet ek iemand gaan sien? ‘n Hitman? ‘n Sielkundige? ‘n Skubaduiker?

  6. Hierdie hitte maak my moerig.  Dis nie somer nie.  Dis die sewende ring van die hel man.

  7. Net sy dink haar eie gat stink nie. 

  8. Pull yourself towards yourself.

  9. Het ek ook genoem dat my skoonsuster BAIE die moer in is – my skoonma is al ‘n week by hulle.

  10. “If I have learned anything in this long life of mine, it is this: in love we find out who we want to be; in war we find out who we are.” ― Kristin Hannah, The Nightingale

Oor Halva en Baklava. En Een Massiewe Moskee

Posted by Net Ek on September 26, 2023
Posted in: Sommer Maar Net. 8 Kommentaar

Saterdag was ons familie-ete by die Nizamiye Moskee in Midrand. Dis iets om te sien en vreeslik interessant! Ons het eintilik vir die koffie en kos gegaan maar kon darem ‘n vinnige begeleide toer deur die Moskee doen voor hulle middag biduur begin het. Ons gaan beslis terug vir die kos en om dan ‘n volledige toer te doen. Hulle het ook ‘n paar interessante winkeltjies, asook ‘n barber, bakkery en deli. O, en ‘n gelato winkeltjie! Daar is ook ‘n kliniek en skool.

Die Moskee is massief, daar kan in een biduur 3 000 mans op die onderste vloer bid en 1 500 vrouens agter die kantgordyne op die tweede vloer. Mans en vrouens (asook besoekers soos ons) se skouers, elmboë en knieë moet toe wees en alle vrouens se hare moet bedek wees. Op die webtuiste sê hulle daar word serpe verskaf by die deure, maar ons het ons eie gevat (gelukkig want ons het geen serpe gesien). Mans mag ook nie kortbroeke aantrek nie. Jy moet ook soos almal jou skoene uittrek en buite by die deure los (ons kon darem ons kouse aanhou). Mens mag ingaan en foto’s neem en na als kyk, maar natuurlik aan niks deelneem nie. Ek sal net volgende keer die kantoor bel vooraf en ‘n ordentlike toer reel.

Ons was in die moskee toe die adhan gedoen word om almal te roep om te bid, en die toergids het vir ons dit vertaal na engels. Alhoewel ek nie die geloof deel nie, was dit ‘n aandoenbare oomblik om in so groot moskee te staan en te luister hoe almal geroep word om te bid. Mens ervaar net ‘n totale gevoel van vrede. En is dit nie maar wat ons almal soek nie?

“All religions must be tolerated… for every man must get to heaven in his own way.” – Epictetus