Quin

Dit was 3 jaar.

Vir ‘n volle 3 jaar was jy weg, ek het dit dag na dag aanvaar, dit het my maande gevat om myself te herstel, ek het. Ek was weer heel, my hart kon weer liefhê, maar hy wou nie.

Hoe doen mens dit weer, alles van die begin af? Hoe herstel jy, en vertrou net dat die volgende persoon dit nie ook gaan doen nie. Ek het mure op gebou, so hoog dat ek self nie die ware wereld kon sien nie, en ek was okay daarmee.

3 jaar later… 2017…

Ek weet nie hoekom nie, ek weet nie hoekom doen jy dit aan mense nie, ek verstaan nie.

Maar drie jaar later, en jys terug. Weer. En hoe kom mens ooit oor jou eerste liefde. Hoe doen ‘n mens dit?

Jy sê jy het verander (jy het nie), ek glo jou. Jy sê jy was jonk (ja), en verlore (dalk), ek glo jou. Jy sê jy was nog altyd lief vir my (jy was nie), en… ek glo jou. Ek het met alles binne my weer geglo, want as jy mos iets laat gaan en dit kom terug is dit bedoel vir mekaar.

Ek was gelukkig, dit was weer dieselfde, waar my gunsteling deel van jou die are op jou polse is, waar ons musiek deel, en jy my laat glo dat tog is Rihanna – Stay vir ons geskryf. Waar ek die sonsak afneem en wens ek hoef dit nie vir jou oor ‘n boodskap te stuur nie, dat jy dit eerder saam my kan deel. Waar ek in die nag my kussing teen my druk en so kwaad raak want dis nie jy nie. Hoe my eerste koppie koffie in die oggend my laat dink het aan jou, of as ek die dag se smaak uit my mond uit borsel en weet jy doen dieselfde. Jy is weer ek, maar was ek weer jy?

Ek het gewens ek was nader, sodat ek alles van jou kon kry, jy het gesê jy voel dieselfde. En hier was ons, twee wese, reg vir wat die lewe ons offer, reg vir mekaar se foute. Okey met die feit dat 3 jaar terug het ons mekaar gebreuk.

Maar hoe sê hulle, ‘a leopard never changes its spots’. Want hoekom het jy wat jy vir my belowe het vir hom ook belowe. Is jy so ‘n gebroke mens, om die wereld om jou so gebreuk te sien, oor en oor en fokken oor. Jy is die oorsaak vir die donker in my hart. En al my haat. Ek is jammer, nie vir jou nie, maar vir die volgende mens wie jy gaan raak, wie gaan glo dat ja, jy is werklik alles wat hulle wil he. Maar soos ‘n dwelm werk jy deur mense, want ons kort jou om voledig te voel, ons kort jou om heel te voel. Dis die uitwerking van jou wat harte breuk.

Ek het minder gesukkel hierdie keer, ek het geweet ek moet dit stop voor ek te diep in gaan, ek gaan altyd te diep in, jy het al my diepste diep gesien. Jy het my die lewe geleer, want daar is altyd n masker, daar sal altyd wees.

Ek is nie kwaad vir jou nie, ek kry jou jammer, want nou is ek die reuk wat jy nie uit jou neus kan kry nie, en die smaak wat jy nie uit jou mond kan borsel nie, nou is ek die een wie jy sal soek, in elke gesig, in elke mens, nou is ek die draai op jou vingerpunte, en die knop in jou keel, die sout in jou trane en die bloed deur jou are, nou is ek die huil in jou hart, en die klip teen jou glashuis. En eendag gaan jy agterkom hoe leeg jy is, en op daai dag gaan jy besef hoe baie mense jou kon opvul toe jy kies om leeg te bly, en hoe baie mense jou lief gehad het met alles binne hulle, en op daai dag wanneer jy besef jy is verlore, en verlate, en gebreuk en geknees,

gaan jy niemand hê nie

behalwe jouself,

en ek hoop dit is genoeg vir jou.