Hum mudkar ek kadam peechhe chale aage jane ki oor
Hawaon ne apni bahon me leke mazboor kar diya peechhe jane ki oor
Umangon ke taraano me hum yun hi kho se gaye
Dariyaon pe waqt ke saath hum sote gaye
Manzil aayi is kadar paas hamare
Ki sapna hai ya sach is khayal me hum khote gaye
Barsat ke din the jab boondon ne hamare tan ko chhua tha
Un dooriyon ko hamne pal pal me jiya tha
Wo suraj ki lalima wo seetal chandrma
Sitaron ki dagar pe yun chale hum yahan
Jab dekha tha unko waqt ke jharonkon se
To pata na tha ki samay yun hi gujar jayega
Chale is kadar un rahon pe hum
Ki kadam dagmagate the hamare
Kabhi dar tha to kabhi khusiyon me khoye the
Akele main baithhkar kabhi-kabhi hum bahut roye the
Toot jayen wo andikhe dhaage jinse ye riste badhen hain
Aise khayal man me bahut baar aate the
Badalte hav bhav ke chalte hum sawalon me kho jate the
Niyamon ko toda hadain paar kar di
Jeevan ke is daur me kuchh cheezen humne waqt ke anusaar kar di
Gujar kar in sabse humne ek naya sabera dekha
Charon taraf apne pahli baar humne khula aasman dekha
Bichhde hue un lamhon ko jara nazdeek to layiye
Waqt mile to khwab bankar aayiye
Sadiyon se baithhe hai unhi rahon par
Ek baar phir se chalkar to aayiye
Koi chupke se dheere se kuchh kahkar chala jata hai
Soye hue armano ko jagakar chala jata hai
Hum chhupkar unko dekhte hain
Sarma ke kahin chhupte hain
Wo jab mudkar sadgi bhari nazron se dekhte hain
Rooh ki pyaas ko jaga jaate hain
शान्तिप्रिय जीवन 