BEATOCELLO
ពិតជាពិសេស និងរីករាយរាយណាស់ដែលគោលបំណងធំទី១របស់ ស្ថាបនិក តំណាងក្រុម សមាជិក សមាជិកា នៃក្រុម “យើងរួមគ្នាដើម្បីគន្ធបុប្ផា”ជាពិសេសគោលបំណងរបស់សប្បុរសជន បានសំរេចដោយបានលទ្ធផលលើសពីការរំពឹងទុក។
សំលេងតន្រី BEATOCELLO ដ៏អន្លង់អន្លោច រួមជាមួយនឹងដង្ហើមដកយ៉ាងដង្ហក់ដោយពិបាកក្នុងវ័យ៦៣ឆ្នាំ ធ្វើឲ្យមិត្តរួមក្រុម និងខ្ញុំស្ទើរទប់ទឹកភ្នែកមិនបាន។ ក្រោយពីការប្រគុំតន្រីចប់ ខ្ញុំរង់ចាំយ៉ាងអន្ទះសារចំពោះវត្តមានរបស់លោក Doctor ដែលបានយល់ព្រមឲ្យក្រុមយើងខ្ញុំធ្វើការជួបសំណេះសំណាល និងធ្វើពិធីប្រគល់ទឹកប្រាក់បរិច្ចាគរបស់សប្បុរសជនទាំងអស់ តែពេលនោះហើយដែលយើងទាំងអស់គ្នាបានយល់មុខលោក Doctor ដែលកំពុងនឿយហត់យ៉ាងខ្លាំង តែលោកនៅតែឈានជើងមួយជំហ៊ានៗយ៉ាងរហ័សរហួន មកទទួលជួបស្វាគមន៍ក្រុមយើងយ៉ាងកក់ក្តៅ។ Oh… so touch… it’s touch…. touching… I… interesting… so interesting… so touching… I like… so happy… so kind… thank you so much… thank you ជាសំដីរបស់លោក Dr.Beat Richner ដែលពួកយើងបានឮ និងចងចាំទុក។ ពាក្យពេជ្យដោយការចាប់អារម្មណ៍ ទាំងការរីករាយ ការលើកទឹកចិត្ត ព្រមទាំងទឹកមុខលោក Doctor ប្រកបដោយការភ្ញាក់ផ្អើល និងរីករាយចំពោះទឹកចិត្តរបស់យុវជនខ្មែរ ព្រមទាំងប្រជាពលរដ្ឋខ្មែរ ដែលបានរួបរួមគ្នាជួយដល់មន្ទីរពេទ្យគន្ធបុប្ផាដែលកំពុងរងគ្រោះពីការខ្វះថវិកាសំរាប់ជួយដល់កុមារខ្មែររាប់សិបម៉ឺននាក់ ដោយលោកមិនបានសាញពីចំនួនទឹកប្រាក់សូម្បីតែបន្តិច។ ការធ្វើដំណើរប្រកបដោយភាពសប្បាយរីករាយទាំងទៅទាំងមក និងការចាប់ផ្តើមស្គាល់គ្នាទៅវិញទៅមក ធ្វើឲ្យយើងបានរក្សាទុកនូវជោគជ័យ ក៏ដូចជាការចងចាំដ៏ល្អមួយដែលខ្ញុំមិនធ្លាប់មានចំពោះអ្នកទាំងអស់គ្នា។ អរគុណដល់បងប្រុសតៃកុងឡាន ដែលបានបញ្ជាយានយន្ត ប្រកបដោយសុវត្ថិភាពមិនគិតពីការនឿយហត់ ដែលជាកត្តាជំរុញឲ្យដំណើរការនៃគោលបំណងក្រុមយើងខ្ញុំ ទទួលបានជោគជ័យ។ អរគុណដល់ប្អូន Sovichet Tep ដែលធ្វើជាអ្នកថតរូបយ៉ាងសកម្ម ធ្វើឲ្យយើងបង្កើតអនុស្សាវរីយ៍ដ៏ល្អមួយរវាងគ្នា និងគ្នា និងធ្វើជាសក្ខីភាពបញ្ជាក់ពីការប្រគល់ទឹកប្រាក់ជូនលោក Dr.Beat Richner។ អរគុណដល់បង Vipi Melian ដែលបានបរិច្ចាគផ្ទាល់ខ្លួនយ៉ាងច្រើន និងបងៗ ព្រមទាំប្អូនៗដែលបង្កភាពសប្បាយរីករាយក្នុងការធ្វើដំណើរទាំងទៅទាំងមក ដោយមិនប្រកាន់ពីការលើសលុបសំដី និង អរគុណដល់បង អ៊ាង គារវៈ ដែលជាអ្នកមានគំនិតផ្តួចផ្តើមបង្កើតក្រុមនេះឡើង និងថ្លែងអំណរគុណដល់បង Surya Wong Devorn ដែលជាព្រឹទ្ធាចារ្យម្នាក់ក្នុងក្រុម ដោយលោកបានជួយជ្រំជ្រែង និងជួយសំរួលដល់ការលំបាកទាំងប៉ុន្មានដែលក្រុមបានជួបប្រទះ ទោះលោកកំពុងតែស្ថិតក្នុងស្ថានភាពមានជំងឺក៏ដោយ។ ជាពិសេសខ្ញុំសូមធ្វើការថ្លែងអំណរគុណដល់លោក Dr.Beat Richner ដែលលោកបានបូជាកំលាំងកាយ កំលាំងចិត្តក៏ដូចជាថវិកាផ្ទាល់ខ្លួន និងបានជួយអំពាវនាវដល់សប្បុរសជនគ្រប់ទិសទីដែលមានសន្តានចិត្ត ធ្វើការបរិច្ចាគជាថវិកាដល់មន្ទីរពេទ្យគន្ធបុប្ផា និងមន្ទីរពេទ្យ៤ផ្សេងៗទៀត។ ជាពិសេសខ្ញុំសូមធ្វើការថ្លែងអំណរគុណដល់សប្បុរសជនគ្រប់ៗគ្នា មិនថាអ្នករស់នៅក្នុងស្ថានភាព ជីវភាពបែបណា ក៏អ្នកទាំងអស់គ្នាសុខចិត្តលះបង់នូវថវិកាផ្ទាល់ខ្លួន ដែលបានខិតខំរកដោយសាច់ស្រស់ ឈាមស្រស់ ដូចពាក្យចាស់ថា “បេះពីមាត់ពីក” ដើម្បីជួយដល់មន្ទីរពេទ្យ និងកុមារកម្ពុជារាប់សែននាក់ដែលកំពុងរង់ចាំការព្យាបាលពីមន្ទីរពេទ្យគន្ធបុប្ផា ដែលជាមន្ទីរពេទ្យព្យាបាលឥតគិតថ្លៃធំជាងគេនៅលើពិភពលោក។
ជាចុងក្រោយ ខ្ញុំសូមបួងសួងដល់វត្ថុស័ក្កិសិទ្ធក្នុងលោក ឲ្យជួយថែរក្សាលោក Dr.Beat Richner និងសប្បុរសជន ព្រមទាំងអ្នកទាំងអស់គ្នា ប្រកបដោយសំណាងល្អ សុខភាពល្អ និងពុទ្ធពរទាំង៥ប្រការគឺ អាយុ វណ្ណៈ សុខពលៈ អាយុ វណ្ណៈ សុខៈ ពលៈ និងបដិភាណៈ កុំបីឃ្លាងឃ្លាតឡើងយ។
សូមអរគុណ
១. សេរីភាពជាវត្ថុមានតំលៃ ដូច្នេះមានតម្លៃរហូតដល់ត្រូវកំណត់។
សុវណ្ណដារ៉ា 