VISIT MY NEW WEBSITE

www.melonthegogo.com

Untitled_Artwork (1)

karbinna.wordpress.com was a site I created while I was studying Dramatic Arts in Stellenbosch, many millenniums ago.

Since graduating I’ve embarked on so many wonderful adventures – My new writing style is a bit more sophisticated (a lot less depressing) and mainly in English – with the occasional Afrikaans post and story.

I write interesting content about my experiences around the world and I even give a few tips on traveling.

Thank you for still reading Karbinna’s posts – please take a leap into the future with me and visit my new website – melonthegogo.

Lots of Love,

Mel

 

Geduldig onrustig

Ek geniet julle geselskap en teenwoordigheid, rerig ek doen. Ek geniet die lukrake kuiers by die Koningin se kop en in die vuil kombuis. Ek voel oorweldig deur ons vinnige besluite om olierige kos te eet, voor die televisie te dans en om te sing terwyl amateuragtige Brazilianers op hul bokskitare tokkel.  Ek geniet die trein trip oppad na ‘n nuwe bestemming wat ons self nie weet waarheen ons oppad is nie en ek geniet julle lus vir die lewe en laatnag gebeurtenis stories. Ek doen. Ek geniet julle.

, (KOMMA)

MAAR

ek kan nie die onrustigheid in my binneste keer wanneer ek dink aan ‘n verlore liefde erens oor die see.  Ek sukkel om te slaap na ons vriendelike en opgewekte geselsies wanneer ek dan, as julle weg is, dink aan ‘n pouveer en ‘n skaapleeu.  Ek grou aan my hart se kamers, na ons lieflike aand uit, wanneer ek op die toilet gaan sit en net die bruin toiletrol en ou ketting om my het vir geselskap.  Ek skree teen my toonmure wanneer ek dink aan ‘n verlate bed en ‘n oorronde Hemelsgemaakte Skepping wat ek wil vasdruk tussen my arms.

Ek geniet julle almal en hierdie plek SO baie. Ek belowe ek doen, rerig.

,(KOMMA)

MAAR

ek kan nie wag vir die dag wat ek uit hierdie vervlakse, goddelose plek kan ontsnap na my oorspronklike hart wat in ‘n wit en groen woonstelblok vasgepen is!

Al wat ek oor het is om onrustig geduldig te wag met ‘n vriendin op die skoot en ‘n selfoon teen die oor.

Grondgraf

Ek loop in jou vas en vergeet my naam.

Ek kierang en slinger oor ‘n ritmiese maan;

hou piekniek op my eie en gaan dan bed toe vir ‘n laatnag-nag-nagmerrie.

… Jy staan langs ‘n oop graf en loer af in die put. Almal dra hanswors pakkies en erens in ‘n hoek staan ‘n familie met ‘n virus oor hul koppe.  Jy gooi jou eerste hopie grond op my en ek skrik wakker…

Ek staan verstom oor die feit dat jy nou net jouself in ‘n grondgraf begrawe het.

Met my reg langs jou.

Vervoer na jou.

 

Ek vergeet soms van my bestaan en dan raak ek weg in die vreemde gevoel van alleen wees.   Net vir ‘n paar oomblikke vergeet ek van myself en bestaan net.  Net ‘n lyf wat eenkant sit en staan. Wat eenkant lê en lees, wat eenkant kos kook of ‘n sms tik.  Net vir ‘n oomblik vergeet ek van geld en klere. Net vir ‘n oogwink hou ek op met asem haal, hou ek op met kyk en fokus.  Net vir ‘n kort tydperk geniet ek niks en luister na niemand.

Net vir ‘n oomblik vat ek my hele siel na daar waar jy is en was en lag, ek loer oor jou skouer en verstaan die reuk van papier op jou nek.  Ek lees jou boek en blaai deur jou vingers met my woorde.  Ek loop deur jou hart en verander in jou sielsgenoot – vir ‘n oomblik.  Net vir ‘n oomblik verstaan ek jou gedagtes en weet dat jy elke oomblik my onthou. Ek eet die sonder-liefde-gemaak toebroodjie in jou maag en verstik aan ‘n pit.

Ek haal asem en my hart klop vinnig terwyl jy verdwyn in die verte. 

Jy bestaan nie, nie meer.

“Vernuf, Vergiftig, Verstaan my”

Oral en erens is daar ‘n stukkie gif in jou kaak wat kners na vrot appels.  Kners na vrot appels wat gevaarlik na wurms krap. Krap om wurms wat vernuf toon deur eterig rondom jou bruinhare krul. Krul  jou hare ook rondom my benerige hande terwyl ek jou kakewang vir die laaste keer streel?  Streel terwyl wurms vernuftig die vel van my sagte been afvreet.  Vreet my vel wat sagkuns jou lippe ranSOENeer terwyl jou afguns my vergiftig.  Vergiftig en vergeet my enigste kloppende hart wat vreedsaam na jou gegooi word in die skemer. In die skemer van jou skaduwee.

Verstaan jy my?
Verstaan my!

Wagstaande

 

Hy wag vir my op ‘n boot
Hy wag vir my op sy skoot.

Hy wag vir my net hy alleen,
Hy wag vir my op sy enkelbeen.

Hy wag vir my siedaar sy,
Hy wag vir my net vir my.

Hy wag vir my tot ek kom,
Hy wag vir my met ‘n blom.

Hy wag vir my sommer so,
Hy wag vir my driekeer bo.

Hy wag vir my met ‘n soen,
Hy wag vir my in sy skoen.

Hy wag vir my, ek hou aan met hoop.
Hy wag vir my, sonder om te loop.

Loftus Marais: Uber-Amazing!!

                              

Ek is absoluut gaande oor Loftus Marais, nie net het die man ‘n woordspektrum van so oor die 50 miljoen nie, maar hy is geniaal en het ‘n ordentlike humorsin daarby (boekbekendstelling -i-)  . “Staan in die algemeen nader aan vensters” is sy debuut digbundel en omdat ek hier aan die anderkant van die wereld sit, kan ek ongelukkig nie die boek in die hande kry nie, maar is elke nou en dan op Litnet en Youtube om my Marais-gedigte voeding vir die dag in te kry.

 

Ek is een van die min gelukkiges wat ‘n vae verbintenis het aan die digter van die eeu.  Dis my beste vriendin, Rozel du Toit, se nefie.  Ek het tot die slotsom gekom- omdat ek en Rozel dieselfde van het, du Toit, dat Loftus Marais op ‘n vreemde manier ook familie van my is.  Alhoewel ek hom nog nooit ontmoet het nie, maar strengesproke indirek ontmoet het deur Rozel (alias die Roos), kan ek  wel die stelling maak – Loftus Marais is my familie en erens in my gene is daar ‘n bloedselletjie van sy intellek en kreatiwiteit en Awesomeness wat maak dat ek dalk eendag deur ‘n amateuragtige blogger, soos myself, gesien kan word as Uber-Amazing!

As julle almal daar buite dalk ‘n krokodilfonds wil hou namens my en sy bundel vir my wil koop en pos – julle is meer as welkom.

Groete en baie liefde

Jou grootse bewonderaar

Melanie/Karbinna du Toit

Gevreet, Geraas.

Jis, maar die mense hier kan raas.

Vrek, kan hulle bietjie kalmer?

Geskree, geproes, gehoes, gespoeg.

Griet, maar hulle hou nie op met raas.

Damnit, there’s no place to talk Afrikaans.

gekou, geskets, gekletter..

Krits, ek voel verlore.

Shit, hulle stink na vrot woorde.

Praat op kranksinnige note.

HUH?

Sjoe, maar my kop raas.

Ek kort ‘n vakansie.

‘n Vakansie in Afrikaans!!!