فرعون قاعد على البوابة ومفتح عينيه
خايف لحد ينطق بكلمة حق من حواليه
قالولنا ان فرعون من غيره الجامعة تخرب
غيَبوا عقولنا واحنا المجانية منا بتهرب
شوفوا طلاب هندسة كليتهم ولعت بيهم
كان فين فرعون وحرسه ورجاله اللي مخاويهم
كانوا مشغولين شوية بكبت أي حرية
وقتل أي نية لحق يطلع فيهم
جامعة بقانون اعمى محكومة
فرعون فيها هو الحاكم والحكومة
الحكم هو رغبته والكل خدامه
يمشي ورا شهوته وعلينا احترامه
جبروته نازل علينا واحنا مش بأيدينا
غير اننا نركع ونقول قدامه : عاش عاش فرعون عاش
…
أبداً
هما نهابين القوت , خرابين البيوت
واحنا الطلبة للحق صوت
وعمر الظلم ماهيسكَت للحق صوت
هنفضل على طول
نهتف ونقول
يسقط كاتم نفسنا … يموت فرعون يموت
إسلام
- ® طلاب حركة حقي – جامعة القاهرة
Haqqi Students-Cairo University طلاب حركة حقي-جامعة القاهرة 
يا حركة حقى ربنا يكثر من مواهبكم الشاعر ده جامد جدا على فكرة عندكم فنان تانى لو يبطل ينسى ويهتم بفنه شوية ويبطل يضيع رسوماته اكيد هيبقى مشهور جدا فى يوم من الايام بس يارب ميبقاش مشهور فى مصلحة السجون وانا هبقى بنشر الخبر ده عموما ربنا معاكم ويذود الموهوبين كمان وكمان
Comment by لسماء — March 30, 2009 @ 11:47 am |
ربنا يخليكي يا اسماء… وربنا يكتر من الموهوبين ويفيدوا الحركة الطلابية
Comment by اشرف — July 4, 2009 @ 9:52 pm |
حلمك ياواد ان فرعون يموت
وتظهر طاقتنامن بعدالسكوت
متكبروغبى غرضه ان طلابه تموت
ارافع رياتك وقول مش هاموت
Comment by ابراهيم بن الدولة — November 12, 2009 @ 9:19 pm |
اهين واه عليتا الف اه
على الى مات من الصمت اه
ايه الى يحصل لو قال مناه
مالطير طاير فى الهوا و هواه
Comment by ابراهيم بن الدولة — November 12, 2009 @ 9:22 pm |