Haqqi Students-Cairo University طلاب حركة حقي-جامعة القاهرة

–

الحكومة ناهبة خير الشعب كله للمصالح

واللي يقوله انه صالح…

راكب شبح…

والشعب هو اللي اندبح…

زي الفراخ

واللي دبح بصراحة كان فالح

دبح بشكل يخلي الآه متخرجش

وميطلّعش الا صوت السكوت

والدبح كان في الضلمة…لكن نور القناديل كان موجود

موجود امبارح وموجود النهردة وبكرة…عشان تشوف الناس دبح البني آدمين

من غير ماتمسكلهم البلد سكاكين….دبحت شعبنا المسكين

حبست في حلقه الآه…. عرفت مداه وصداه

وهربت حكومتنا لما لقت قلوب بتنبض بالحياة

وقالت لامن الدولة : لسه فيه ناس عايزة تقول الآه

يللا بسرعة هاتوها … وفي السجن اربطوها … وبالكهربا فولت عالي كهربوها

واللعبة كانت لعبة وحوش في السيرك وخرجت متدربة

عمري ماهسكت عن حق البلد ديّه… ولاهاسيبها لشوية حرامية

سرقوا كل اللي قدامهم ولو ابرة مصرية

مادام الشعب مش عارف حقوقه فين

أو عارف لكن ساكت … عشان الخوف بقى سايد …تشوفه العين

® طلاب حركة حقي – جامعة القاهرة