Haqqi Students-Cairo University طلاب حركة حقي-جامعة القاهرة

احنا في بلد الحمبليظ…….كل ما فيها جميل ولذيذ

لما محمد يعمل حاجة…..كل الناس تضرب في عزيز

ماحنا في بلد الحمبليظ

ناس بتعيش وتموت في الطينة…..والتانيين يسكنوا في مارينا

اصل الحر مضايق نينة……مش والنعمة دي حاجة تغيظ

ماحنا في بلد الحمبليظ

الواد دودي جاب مقبول……خش نيابة كده على طول

من غير واسطة وكلام فاضي……ولا حتى رنة محمول

اصل رئيس الجامعة ده خاله……واختاره من غير تمييز

ماحنا في بلد الحمبليظ

لما تخش القسم تسلّم……تدخل تاخد احلى سلام

تطلع تلقى الجو مضلّم……على القفا فيه بصمات سان جام

والرقبة محتاجة افيز……ماحنا في بلد الحمبليظ

اما وزيرنا دهيبقى همام……يضرب تصاريح ولا فاندام

ولما تواجهه باي كلام……يطلع للسلطة خدّام

وعاملّك فيها كمان قمبيظ……ماحنا في بلد الحمبليظ

أنور

® طلاب حركة حقي – جامعة القاهرة